Viðskipta-, stjórnmála- og menningarsamskipti ríkjanna standa á gömlum merg. Jakob Möller varð fyrsti sendiherra Íslands í Finnlandi árið 1947, með aðsetur í Stokkhólmi. Sendiráð Íslands í Helsinki tók til starfa árið 1997 en Finnar höfðu þegar opnað sendiráð í Reykjavík árið 1982.

Sendiráð Íslands í Helsinki er einnig sendiráð Íslands gagnvart Eistlandi, Lettlandi, Litháen og Úkraínu. Í Helsinki er eitt erlent sendiráð gagnvart Íslandi, þ.e. sendiráð Úkraínu.