Hoppa yfir valmynd

Þjónusta við Íslendinga

Kaupmannahöfn er enn tíðasti viðkomustaður Íslendinga erlendis og talið er að hátt í 12.000 Íslendingar séu nú búsettir í Danmörku, þ.á.m. um 4000 námsmenn. Þjónusta við íslenska borgara í Danmörku er því eitt mikilvægasta og umfangsmesta verkefni sendiráðsins. Auk þess leitar fjöldi Íslendinga sem búsettir eru á suður- og suðvestur hluta Svíþjóðar til sendiráðsins.

Aðstoð sendiráðsins við íslenska borgara getur verið með ýmsum hætti. Algengast er að fólk leyti til sendiráðsins vegna útgáfu vegabréfa og samskipta við hin ýmsu stig danskrar og íslenskrar stjórnsýslu en einnig aðstoðar sendiráðið Íslendinga m.a. vegna veikinda eða slysa, sakamála og afplánunar refsidóma, skjalavottanir, leit að týndum einstaklingum og heimflutnings látinna, veikra eða vegalausra borgara. Þá býðst Íslendingum að taka próf hjá íslenskum menntastofnunum í sendiráðinu og greiða atkvæði utankjörfundar. 

Umsjónarmaður aðstoðar- og ræðismála er Marta Jónsdóttir, sendiráðunautur / ræðismaður. Aðrir fulltrúar aðstoðar- og ræðismála eru Kristín Kristjánsdóttir og Viðar Birgisson. 

www.denmark.dk- Opinber vefur Danmerkur með fréttir, veður, upplýsingar og krækjur.

Upplýsingaþjónusta Norrænu ráðherranefndarinnar (Hello Norden) veitir upplýsingar um flutning milli Norðurlandanna t.d. í tengslum við atvinnuleit, skatta, sjúkratryggingar, lífeyri, barnabætur og tollamál.

Sendiráðið vekur athygli á að utan opnunartíma þess er í neyðartilfellum hægt að óska eftir borgaraþjónustu í neyðarvakt í utanríkisráðuneytisins í síma +354 545-9900. 

Umsókn um íslenskt vegabréf

Umsóknarstaðir vegabréfa erlendis eru í flestum sendiskrifstofum Íslands sem og aðalræðisskrifstofum. Öll vegabréf eru gefin út af Þjóðskrá. Afgreiðslutími vegabréfa getur verið allt að 4 virkir dagar auk póstsendingartíma. Athugið að ef frídagar eru á tímabilinu lengist afgreiðslutíminn sem þeim nemur. Hægt er að sækja um hraðafgreiðslu gegn aukagreiðslu. Sjá gjaldskrá ÞÍ.

Umsækjandi þarf alltaf að mæta í eigin persónu á umsóknarstað og skal panta tíma fyrir fram í síma eða með tölvupósti. 

Eftirfarandi þarf að hafa með sér:

  • Eldra vegabréf
  • Umsóknargjald

ATH! Vegabréf eru aldrei endurútgefin né afgreidd í gegnum netið.

Vegabréf sem tilkynnt hafa verið glötuð eru skráð í Schengen og Interpol upplýsingakerfin og eru þar með ónothæf.

 

Afgreiðsla vegabréfa

Afgreiðslutími fyrir vegabréf er eftirfarandi:

Alla virka daga frá klukkan 9-15.

Panta ber tíma með góðum fyrirvara í síma: 3318 1050.

Þjónusta ræðismanna

Vakin er athygli á því að ræðismenn geta ekki lengur tekið við umsóknum um vegabréf.

Ræðismenn geta eftir sem áður haft milligöngu um útgáfu neyðarvegabréfa í sérstökum neyðartilfellum.

Ferlið

Umsækjendur verða að koma í eigin persónu til sendiráðsins þar sem lífkennamynd er tekin af viðkomandi á staðnum. 

Gjald er DKK 730 fyrir 18-66 ára en DKK 330 fyrir aðra.  
Hraðafgreiðsla vegabréfa kostar DKK 1450 fyrir 18-66 ára en DKK 650 fyrir aðra.

Athugið að ekki er tekið við reiðufé í sendiráðinu en hægt er að greiða með Dankorti/Debetkorti.

Þegar sótt er um vegabréf þarf að sýna eftirfarandi gögn:

  • Eldra vegabréf

Vegabréfin eru útbúin á Íslandi og frá 23. október 2017 eru þau send af stað með almennum pósti til Danmerkur 4 virkum dögum eftir umsókn. Gera má ráð fyrir að póstsending taki eina til viku, og því ferlið allt að því 2 vikur. 

Vegabréf fyrir börn

Við vegabréfaumsóknir barna er þess krafist að báðir foreldrar eða forráðamenn komi í sendiráðið og veiti samþykki sitt fyrir umsókninni.

Ef annað forsjárforeldra barns getur ekki mætt skal hann/hún rita vottað samþykki sitt á þar til gert eyðublað og það skannað inn í kerfið. Ef minnsta óvissa er um forræði þess sem leggur fram umsókn um vegabréf barns skulu allar þar til greindar upplýsingar staðreyndar eftir fremsta megni.

Heimildin til að víkja frá því skilyrði að báðir forsjárforeldrar standi að umsókn um vegabréf hefur nú verið þrengd mjög. Eingöngu er heimilt að gefa út vegabréf samkvæmt umsókn annars forsjárforeldris þegar hitt forsjárforeldrið er ófært um að veita samþykki sitt vegna sjúkdóms, fjarvistar eða annarra sérstakra aðstæðna að undangenginni athugun á umræddum aðstæðum og mati á því hvort hætta sé á að barn verði fært úr landi með ólögmætum hætti. Fullyrðingar um að annað foreldrið sé erlendis þar sem ekki náist í það eru alls ekki fullnægjandi grundvöllur.
Sjá nánar á vefnum www.skra.is

Börn sem fædd eru erlendis þurfa að vera komin með kennitöluskráningu í íslensku þjóðskránni til þess að hægt sé að sækja um vegabréf fyrir þau. Hafi barnið ekki fengið útgefið vegabréf fyrr skal sýna fæðingarvottorð barnsins þegar sótt er um.

Nafnabreytingar

Ef umsækjendi hefur tekið upp nýtt eftirnafn eða breytt á einhvern hátt eftirnafni sínu þarf að vera búið að ganga frá tilkynningu um slíkt til þjóðskrár á Íslandi (www.skra.is). Slíkt gerist ekki sjálfkrafa þó makar taki upp nafn hvors annars við hjónavígslu í Danmörku.

 Sendiráðið vekur athygli á því að árið 2015 tóku gildi dönsk lög sem fela í sér að tvöfaldur ríkisborgararéttur er viðurkenndur í Danmörku.

Því geta Íslendingar búsettir í Danmörku, sem og börn þeirra, sótt um og -  að ákveðnum skilyrðum uppfylltum - öðlast danskan ríkisborgararétt án þess að afsala sér íslenskum ríkisborgararétti. Hægt er að leggja inn slíka umsókn hjá Statsforvaltningen eða næstu þjónustumiðstöð (Borgerservice). 

Jafnframt geta Íslendingar, sem hafa afsalað sér íslenskum ríkisborgararétti til að öðlast danskan, sótt um endurveitingu íslensks ríkisborgararéttar án þess að missa þann danska. Þetta er þó háð ákveðnum skilyrðum sem fá má upplýsingar um hjá Útlendingstofnun (www.utl.is).

Hafa ber í huga að svokölluð 22-ára-regla mun gilda áfram. Í henni felst að íslenskir ríkisborgarar með fleiri en einn ríkisborgararétt, sem fæddir eru erlendis og hafa aldrei átt lögheimili á Íslandi, missa íslenskan ríkisborgararétt þegar þeir verða 22 ára gamlir. Þetta gildir þó ekki ef þeir senda Útlendingastofnun, áður en þeir ná 22 ára aldri, tilkynningu um að þeir óski eftir því að vera áfram íslenskir ríkisborgarar.

Upplýsingar um reglur um öðlun dansks ríkisborgararéttar, sem og umsóknareyðublað, má nálgast á heimasíðu danska ríkisins, Statsforvaltningen: www.statsforvaltningen.dk/site.aspx?p=8903 og á upplýsingasíðu danskra stjórnvalda www.borger.dk. 

Einnig hefur Hallo Norden uppfært upplýsingar sínar um öðlun dansks ríkisborgarréttar og er sá texti aðgengilegur bæði á íslensku og dönsku á heimasíðu Hallo Norden.

Útlendingastofnun svarar fyrirspurnum um íslenskan ríkisborgararétt og má t.d. senda henni slíkar fyrirspurnir á netfangið [email protected] Vefur stofnunarinnar er www.utl.is og síminn þar er 00354 444 0900.

Jonshus

Jónshús í Kaupmannahöfn hefur verið í eigu Alþingis frá árinu 1967 er Carl Sæmundsen stórkaupmaður gaf það í minningu Jóns Sigurðssonar og Ingibjargar Einarsdóttur. Þau hjón bjuggu í húsinu frá árinu 1852 allt til dauðadags, 1879. Húsið er við Øster Voldgade 12.  

Árið 1970 hófst rekstur í húsinu. Þar er nú félagsheimili Íslendinga í Kaupmannahöfn, minningarsafn um Jón Sigurðsson og Ingibjörgu og bókasafn í kjallara hússins.

Einnig hafa Íslendingafélagið, íslenski söfnuðurinn, íslenskuskólinn, kórar og margir fleiri aðstöðu í húsinu. Þá er íbúð umsjónarmanns í húsinu, en þar var áður íbúð sendiráðsprests sem gegndi þá jafnframt stöðu umsjónarmanns hússins.

Sendiráðsprestur og Íslenski söfnuðurinn í Kaupmannahöfn

Prestur - Ágúst Einarsson

Ágúst Einarsson er prestur Íslendinga í Danmörku og Svíþjóð. Hann er búsettur í Gautaborg en kemur fjórum sinnum í mánuði til Kaupmannahafnar til þess að sinna helgihaldi, fræðslu og samtölum.  Hægt er að mæla sér mót við Ágúst í Jónshúsi eða í Sendiráði Íslands í Kaupmannahöfn. Í sendiráðinu hefur Ágúst að jafnaði viðveru á skrifstofu annan hvern þriðjudag. Hægt er að hafa samband við hann í síma: (00 45) 33 18 10 56, íslenskur sími 545 7726 og netfangið er [email protected]

Staðsetning sendiráðs: Strandgade 89, 1401 København K

Íslenskar guðsþjónustur

Guðsþjónustur eru að jafnaði einu sinni í mánuði í Skt Pauls kirkju. Kvennakórinn í Kaupmannahöfn og Kammerkórinn Staka skiptast á með syngja í guðsþjónustum og prestur er Ágúst Einarsson. Eftir guðsþjónustu er messukaffi í Jónshúsi í umsjón kóranna.

Staðsetning kirkjunnar: Sankt Pauls Plads, Gernersgade 33, 1319 København

Sunnudagaskólinn

Sunnudagaskólinn er einu sinni til tvisvar í mánuði í Jónshúsi á sunnudögum kl. 13.  Umsjón: Helga, Vera, Ásta og Ágúst. Sunnudagaskólinn er lífleg samvera með söng, frásögum og brúðuleikhúsi og eru allir krakkar velkomnir ásamt foreldrum sínum.

Staðsetning Jónshúss: Øster Voldgade 12, 1350 København K

Fermingarfræðslan

Fer fram á fermingarmótum haust og vor, auk fræðslufunda í Jónshúsi.

Nánari upplýsingar um þessa starfsþætti og tímasetningar er að finna á heimasíðu kirkjustarfsins: www.kirkjan.dk

Verklagsreglur varðandi framkvæmd fjarprófa hjá sendiráði Íslands í Kaupmannahöfn

Umsjónarmaður fjarprófa hjá sendiráðinu í Kaupmannahöfn er Kristín Kristjánsdóttir.

Íslenskir námsmenn, við íslenskar menntastofnanir, geta sótt um það að fá að taka fjarpróf á virkum dögum hjá sendiráðinu í Kaupmannahöfn. Próftími fyrir hádegi hefst kl. 9 og eftir hádegi kl. 12 á dönskum tíma. Ef sá próftími hentar ekki er hægt að skoða hagræðingu, í samráði við menntastofnun. Sendiráðið mun leitast við að verða við óskum námsmanna, en þó getur komið upp á að hafna þurfi próftökubeiðnum sökum plássleysis, t.d. vegna anna tengdum reglubundinni starfsemi sendiráðsins eða danskra frídaga.
 
Senda þarf próftökubeiðni á netfang umsjónarmanns fjarprófa
[email protected] og á netfang sendiráðsins til vara [email protected] með 14 daga fyrirvara (að jafnaði). Í beiðninni þarf að tilgreina fullt nafn, íslenska kennitölu og símanúmer umsækjanda ásamt heiti menntastofnunar og heiti fags sem óskað er eftir að þreyta próf í.

 

Ef próftaka er samþykkt sendir umsjónarmaður staðfestingu á netfangi.


Greiða þarf sendiráðinu 50 DKK í umsýslugjald og eru próftakar beðnir um að greiða gjaldið í reiðufé áður en próf hefst. Ekkert gjald er tekið fyrir próf sem nemendur þreyta á tölvur og skila rafrænt.

Hætti námsmaður við próftöku eða forfallist, t.d. vegna veikinda, er hann beðin vinsamlegast að tilkynna sendiráðinu það eins fljótt og kostur er.

Sendiráðið leggur próftökum ekki til tölvur og þeir eiga sjálfur að koma með fartölvur, sem og önnur tól vegna próftöku.

Framvísa ber persónuskílríkjum áður en próf hefst.

Búast má við klið vegna almennrar starfsemi í sendiráðinu og þurfa próftakar því sjálfir að gera viðeigandi ráðstafanir (eyrnatappar) til að draga úr hljóðbærni við próftöku.

Ef próftaka hefst fyrr í sendiráðinu en á Íslandi má próftaki ekki yfirgefa sendiráðið fyrr en prófið er hafið á Íslandi. (Þetta gildir þó ekki við ef viðkomandi menntastofnun hefur heimilað frávik frá þessu sökum tímamismunar).

Sendiráði Íslands í Kaupmannahöfn berast reglulega frá dönsku lögreglunni óskilamunir íslenskra ríkisborgara, sem fundist hafa og skilað hefur verið til lögreglu. Oftast er um að ræða veski eða stök skilríki.

Sendiráðið reynir að ná sambandi við viðkomandi og geymir óskilamuni í einhvern tíma, en séu þeir ekki sóttir þá eru þeir á endanum sendir til óskilamunadeildar lögreglunnar á höfuðborgarsvæðinu.

Ágúst Einarsson er prestur Íslendinga í Danmörku og Svíþjóð. Hann er búsettur í Gautaborg en kemur fjórum sinnum í mánuði til Kaupmannahafnar til þess að sinna helgihaldi, fræðslu og samtölum.  Hægt er að mæla sér mót við Ágúst í Jónshúsi eða í Sendiráði Íslands í Kaupmannahöfn. Í sendiráðinu hefur Ágúst að jafnaði viðveru á skrifstofu hvern þriðjudag.

Hægt er að hafa samband við hann í síma: (00 45) 33 18 10 56, íslenskur sími 545 7726 og netfangið er [email protected]

Helstu gjöld fyrir embættisverk

Frá 01. janúar, 2017

 

1. Útgáfa vegabréfa fyrir 18-66 ára:

    a. Almennt gjald - DKK 730

    b. Hraðútgáfu - DKK 1450

    c. Neyðarvegabréf á venjulegum opnunartíma sendiráðs - DKK 370

 

2. Útgáfa vegabréfa fyrir aðra (börn, öryrkjar og ellilífeyrisþegar)

    a. Almennt gjald - DKK 330

    b. Hraðútgáfu - DKK 650

    c. Neyðarvegabréf - DKK 170

 

4. Lögbókendagerðir, þ.e. staðfesting undirskriftar stjórnvalda og einstaklinga, svo og

  aðrar staðfestingar, hvert skjal - DKK 124

 

5. Fjarprófstaka – DKK 50 (ath. próf tekin á tölvu eru gjaldfrjáls)

 

6. Aðstoð við útvegun vottorða og yfirlýsinga frá opinberum 

    stjórnvöldum eða öðrum á Íslandi eða erlendis - DKK 219

 

7. Millifærsla fjármuna til og frá útlöndum (neyðartilvik) 

· Millifærsla allt að 50.000 kr.- DKK 219

· Millifærsla á bilinu 50.000 kr. til 200.000 kr. - DKK 547,50

· Millifærsla yfir 200.000 kr. - 3,75% af millifærðri fjárhæð (þó ekki hærra en 2.737,60 DKK)

 

8. Ljósritun/endurritun - 11 DKK fyrir hverja blaðsíðu

 

9. Útgáfa sjóferðabóka - DKK 135

 

10. Auk þeirra gjalda sem tilgreind eru hér að framan skal greiða, eftir því sem við á, sendingarkostnað, birtingarkostnað og annan útlagðan kostnað samkvæmt reikningi.

 

**   ***   **

 

Athugið: Greiða má með debetkorti og Dankorti í sendiráðinu. 

 

Gjaldskrá þessi er í samræmi við lög um aukatekjur ríkissjóðs nr. 88/1991 og 2. gr. reglugerðar um gjöld fyrir embættisverk starfsmanna utanríkisþjónustunnar nr. 353/1999. 

Íslendingar í Danmörku

Íslendingafélög

Námsmenn

Túlkar og þýðendur í Danmörku

 

  • Erla Sigurðardóttir er sjálfstætt starfandi túlkur, þýðandi og textasmiður. Erla þýðir og túlkar yfir á íslensku úr dönsku, sænsku og norsku og úr íslensku yfir á dönsku. Þá tekur hún að sér textasmíði á dönsku og íslensku hvort sem eru greinar, skýrslur, erindi eða ræður. Erla hefur viðamikla reynslu af norrænu samstarfi og þekkingu á samfélögum Norðurlanda. Hægt er að hafa samband við Erlu í síma 2993 5757 eða á netfanginu [email protected]
  • Björk Birkholm Magnúsdóttir Mobil: +45 22213113 [email protected]

 

Lögfræðingar í Danmörku

  • Margrét Jóhannsdóttir hjá lögmannsstofunni Advokaterne i Rosenborggade www.bjd.advokater.dk. Netfang: [email protected], sími 0045-33116364.
     
  • Guðrún Olsen hjá lögmannsstofunni Njord Law (www.njordlaw.com). Netfang: [email protected], sími 0045-77401130.
     

Sálfræðingar í Danmörku

  • Sigurður Eyjólfsson, Einstaklingar, pör og hópar; ráðgjöf, meðferð, handleiðsla, fyrirlestrar, fyrirtækjaráðgjöf.  Tekur við þeim sem borga sjálfir en auk þess með samning við tryggingafélög, stéttarfélög og sveitafélög sem borga hluta eða alla meðferð. Er auk þess með samning við danska tryggingakerfið og getur því tekið við einstaklingum, pörum og hópum sem hafa tilvísun frá eigin lækni.

    www.psykologenodense.dk

 

  • Ragnhildur Þórðardóttir, sálfræðingur er sjálfstætt starfandi sálfræðingur með stofu á Holger Danskes Vej, Frederiksberg.

    Meðferðarform byggist mest á hugrænni atferlismeðferð og ACT (acceptance
    commitment therapy) fyrir kvíða, depurð, þunglyndi, streitu, lífsáföll og
    sorg.

    Ragnhildur er sérhæfð í heilsusálfræði með sérþekkingu á átröskunum og
    ofátstengdum vandamálum, sem og markmiðasetningu og heilsuhegðun.

    Ragnhildur gaf út Heilsubók Röggu Nagla árið 2015.

    Hægt er að hafa samband í gegnum tölvupóst: [email protected]
  • Sigrún Erlingsdóttir  - sjálfstætt starfandi sálfræðingur í Viborg á Jótlandi. Sigrún tekur að sér meðferð á ýmsum lífsáföllum ásamt meðferð á ýmsum klíniskum erfiðleikum t.d. þunglyndi, kvíða, streitu, PTSD og persónuleikaröskunum. Hún tekur einnig að sér greiningar t.d. á ADHD og á einhverfurofi. Sigrún er sérfræðingur í geðröskunum / specialpsykolog i psykiatri. Sigrun er með samning við danska tryggingakerfið og getur því tekið við tilvísun frá eiginn lækni.
    Hægt er að hafa samband í síma 2713 1070 og í gegnum netfangið [email protected] Heimasíða: https://www.specialpsykologklinikken.dk/

     
  • Psykologisk Studio/Sigr  Guðmundsdóttir sálfræðingur
    Sálfræðileg ráðgjöf og samtalsmeðferð á íslensku.
    Nørregade 2, 5800 Nyborg, sími: 5017 8710
  • Anna Margrét Skúladóttir er sjálfstætt starfandi Sálfræðingur í Kaupamannahöfn og er með stofu á Amagertorv 14, Kaupmannahöfn. Sérhæfingar í hugrænni atferlismeðferð, einstaklings- og parameðferð. Áfallastreitu meðferð og sorgar úrvinnsla, sem og greining og úrvinnsla erfiðra aðstæðna í skilnuðum, sáttarmálum sem tengjast börnum og foreldrum, og ýmis lífsáföll, ásamt klínískum andlegum erfiðleikum s.s. kvíði, þunglyndi og streitu. Anna er með sérþekkingu innan klínískar-, réttar- og skipulagssálfræði. Hægt er að hafa samband í síma 71156591 og í gegnum netfangið: [email protected]. Heimasíða:www.mymindset.dk

 

  • Árni Þóroddur Guðmundsson Starfar sem sálfræðingur á Frederiksberg. Vinnur með hugræna atferlismeðferð (HAM eða CBT) og Acceptance and Commitment Therapy (ACT).
    Vinnur með:
     - streituviðbrögð- álagstengt; tengt atvinnuleysi; tengt áföllum; tengt vonleysi
     - kvíðaraskanir - felmtursröskun (panic attack); félagsfælni; áráttu-þráhyggjuröskun (OCD); veikinda og dauðkvíða (health anxiety); almennan kvíða (general anxiety); uppkastfælni
     - þunglyndi og leiði, tilgangsleysi og vonleysi
     - sorg og áföll - missir ástvina og fjölskyldumeðlima; atvinnumissir; skilnaður; framhjáhald; skaði
     - átraskanir - undirþyngd; yfirþyngd; áthegðun; líkamsímynd

Holger Danskesvej 3b, 2000 Frederiksberg

www.mimbyarni.com

40315002

[email protected]

 

  • Dale Carnegie fyrir Íslendinga í Kaupmannahöfn. Boðið eru upp á Dale Carnegie námskeið sérstaklega æltuð Íslendingum undir leiðsögn Rögnu Klöru Magnúsdóttiu sem búsett er í Danmörku. Dale Carnegie þjálfun í Danmörku hefur mestmegis lagt áherslu á að bjóða upp á sérsniðnar lausnir til alþjóðlegra fyrirtækja með hinni einstöku þjálfunaraðferð Dale Carnegie. Það hefur lengi verið vilji fyrirtækisins að geta boðið upp á Dale Carnegie námskeiðið fyrir einstaklinga sem fastan hluta af dagsskránni. Ragna hefur seinustu 6 ár unnið fyrir Dale Carnegie á Íslandi og þjálfað fjölda einstaklinga, á Dale Carnegie námskeiðinu. Þeir sem að vilja kynna sér námskeiðið bent á eftirfarandi heimasíðu og nefang: Vefur: www.dalecarnegie.dk netfang: [email protected]

 

Talmeinafræðingar í Danmörku

Addý Guðjóns Kristinsdóttir

Þjónustar bæði börn og fullorðna með tal- og málmein. Um getur verið að ræða staðbundna kennslu eða fjarkennslu. 

Staðsett í Óðinsvéum, en býður upp á þjónustu fyrir einstaklinga um allt land. 

[email protected] sími: 28 78 01 04.

 

Ljósmyndarar í Danmörku

Berglind Svavarsdóttir: beggasvavars.com

Begga útkrifaðist úr Ljósmyndaskóla Íslands árið 2014 og hefur verið búsett í Kaupmannahöfn síðan. Hún myndar aðallega tónleika og portrait af tónlistarfólki og vinnur fyrir tónleikastaðinn Vega.  Einnig tekur hún að sér alls konar mismunandi verkefni svo sem barna og fjölskyldumyndir, Brúðkaup og viðburði.

Endilega hafið samband á netfangið [email protected] fyrir bókanir. 

Stofnanir á Íslandi

Stofnanir í Danmörku

Upplýsingar um Danmörku

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Veldu tungumál

Veldu tungumál

Þessi síða notar vafrakökur Lesa meira