Hoppa yfir valmynd

Þjónusta við Íslendinga

Sendiráð Íslands í Tókýó leggur lið þeim Íslendingum sem búsettir eru í umdæmislöndunum, námsmönnum og ferðamönnum. Aðstoð sendiráðsins getur verið með ýmsum hætti. Algengast er að fólk leiti til sendiráðsins vegna umsókna vegabréfa, útgáfu neyðarvegabréfa og þýðingar ýmissa vottorða.

Að jafnaði dvelja u.þ.b. 80 Íslendingar í Japan og hefur þeim fjölgað mjög á síðustu árum. Koma þar einkum til tíð nemendaskipti á milli íslenskra og japanskra háskóla.

Áritanir

Íslendingar þurfa ekki að sækja um vegabréfsáritun ef þeir dvelja í Japan sem ferðamenn skemur en 3 mánuði.

Almennar upplýsingar um vegabréfsáritanir til annarra landa er að finna á vef Utanríkisráðuneytisins.

 

Þeir Íslendingar sem hyggjast vinna í Japan verða að sækja um atvinnuleyfi áður en þeir koma til landsins.

Nánari upplýsingar eru veittar hjá sendiráði Japans á Íslandi

Vinnudvöl ungs fólks

Þann 1. September 2018. tók gildi samningur íslenskra og japanskra stjórnvalda um vinnudvöl ungs fólks (Working Holiday). Samningurinn gerir ríkisborgurum landanna tveggja á aldrinum 18 til 26 ára kleift að dvelja í landi hvors annars í þeim tilgangi að kynnast landinu og menningu þess. Japan er fyrsta landið sem íslensk stjórnvöld gera slíkan samning við.

Japanskir ríkisborgarar sem hafa áhuga á að sækja um dvalarleyfi á Íslandi á grundvelli samningsins þurfa að uppfylla öll grunnskilyrði dvalarleyfis hér á landi auk aldursskilyrðisins. Tilgangur dvalar skal vera að kynna sér Ísland og menningu landsins og er leyfið veitt í að hámarki 12 mánuði. Handhafar leyfisins fá óbundið atvinnuleyfi og geta því unnið hér á landi og skipt um vinnu án þess að sækja um það til Vinnumálastofnunar meðan á dvölinni stendur.

Nánari upplýsingar fyrir japönsk ungmenni sem vilja dvelja tímabundið á Íslandi er að finna hér.

Upplýsingar fyrir íslensk ungmenni sem vilja dvelja tímabundið í Japan er að finna hér.

Íslendingum er heimilt að dveljast sem ferðamenn í Japan í allt að 3 mánuði án þess að sækja um ferðamannaáritun.

Eftirfarandi eru nokkrar vefsíður með upplýsingum um ferðalög til Japans:

Japan National Tourism Organization

Japan Rail Pass

japan-guide.com

JapanGov

 

Upplýsingar um nám í Japan

Study Japan

Japanska menntamálaráðuneytið

Nánari upplýsingar veitir Sendiráð Japans á Íslandi.

Upplýsingar um japanska samstarfskóla íslenskra háskóla

Háskóli Íslands

Háskólinn í Reykjavík

Háskólinn á Bifröst

 

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Veldu tungumál

Veldu tungumál

Þessi síða notar vafrakökur Lesa meira