Umhverfisstefna umhverfis- og auðlindaráðuneytisins

Umhverfis- og auðlindaráðuneytið hefur sjálfbæra þróun og vernd umhverfisins að leiðarljósi í starfsemi sinni.

Umhverfisstefnan og framkvæmd hennar er liður í daglegu starfi ráðuneytisins til að draga úr álagi á umhverfið. Ráðuneytið mun leitast við að hafa jákvæð áhrif á umhverfi og samfélag með ákvarðanatöku sinni. 

Ráðuneytið fylgir lögum og reglum um umhverfismál í allri starfsemi sinni. Til að ná sem bestum árangri eru umhverfisþættir ráðuneytisins vaktaðir og markvisst unnið að umbótum.

Ráðuneytið stefnir að því að vinna samkvæmt umhverfisstjórnunarkerfi sem uppfyllir kröfur ISO 14001 og Grænna skrefa í ríkisrekstri.

Leiðarljós

  • Innkaup ráðuneytisins eru í samræmi við stefnu ríkisins um vistvæn innkaup og rammasamninga Ríkiskaupa. 
  • Starfsfólk ráðuneytisins fær reglulega fræðslu um umhverfismál og innra umhverfisstarf ráðuneytisins.
  • Stöðugt er unnið að vistvænni samgöngum í ráðuneytinu. 
  • Úrgangur er flokkaður og skilað til endurnýtingar eða endurvinnslu. Unnið er markvisst að því að draga úr úrgangi. 
  • Spilliefnum og hættulegum efnum er fargað á viðeigandi hátt. 
  • Auðlinda- og efnanotkun er haldið í lágmarki.
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn