Skipulag umhverfis-, orku- og loftslagsráðuneytisins

Skrifstofur umhverfis-, orku og loftslagsráðuneytisins eru sex: skrifstofa ráðuneytisstjóra, skrifstofa fjármála og rekstrar, skrifstofa alþjóðamála og samþættingar, skrifstofa landgæða, skrifstofa loftslagsmála og skrifstofa umhverfis og skipulags. 

Þverfagleg teymi umhverfis-, orku- og loftslagsráðuneytisins

• Stjórnsýsluteymi - Samráðsvettvangur starfsmanna allra skrifstofa ráðuneytisins sem fara með stjórnsýslumálefni og lögfræðileg álitaefni og vinna að gerð frumvarpa og stjórnvaldsfyrirmæla. 
• Stefnumótunarteymi - Samhæfingar-, samráðs- og umræðuvettvangur til að efla og bæta stefnumótunarvinnu ráðuneytisins í tengslum við lög um opinber fjármál.
• Loftslagsteymi - Samhæfingarvettvangur til að stuðla að markvissu og skilvirku flæði upplýsinga um loftslagsmál milli skrifstofa í ráðuneytinu og stuðla að samlegðaráhrifum eftir því sem við á.
• Hringrásarteymi - Umræðu- og samráðsvettvangur skrifstofa ráðuneytisins sem vinna með verkefni sem snerta innleiðingu hringrásarhagkerfisins.

Sjá einnig upplýsingar um starfsfólk umhverfis-, orku og loftslagsráðuneytisins.