Ferðakostnaður

Ferðakostnaður ríkisstarfsmanna skiptist í akstursgjald vegna aksturs ríkisstarfsmanna á eigin bifreiðum á vegum ríkisstofnana og dagpeninga vegna ferða almennra ríkisstarfsmanna innanlands sem utan.

Reiknivél fyrir dagpeninga og akstursgjald

Með reiknivél fyrir dagpeninga og akstursgjald er auðvelt að áætla greiðslur.

Ferðakostnaðarnefnd hefur það verkefni að ákveða hver þessi gjöld eigi að vera. Nefndin skoðar forsendur akstursgjalds og dagpeninga að jafnaði ársfjórðungslega. Í framkvæmd breytast þó fjárhæðirnar sjaldnar.

Ferðakostnaðarnefnd var fyrst skipuð samkvæmt ákvæðum kjarasamninga aðildarfélaga BSRB og BHMR við ríkið árið 1974. Í nefndinni eiga sæti einn fulltrúi tilnefndur af BSRB, annar af BHM og tveir fulltrúar tilnefndir af fjármála- og efnahagsráðherra. Nefndin er í eðli sínu samninganefnd og komi til ágreinings skipar Hagstofa Íslands oddamann, en ekki hefur enn reynt á þetta.

Sjá nánar um skipan ferðakostnaðarnefndar

Um dagpeninga æðstu embættismanna og ráðherra gilda hins vegar sérstakar reglur sem ferðakostnaðarnefnd fjallar ekki um.

Athygli er vakin á áskriftarþjónustu þar sem hægt er að velja „Ferðakostnað“

Akstursgjald, bílapeningar, kílómetragjald

Akstursgjald ríkisstarfsmanna - auglýsing nr 1./2023 (gildir frá 1. maí 2023)
Akstursgjald ríkisstarfsmanna - auglýsing nr. 2/2022 (fallin úr gildi)

Dagpeningar á ferðalögum innanlands

Dagpeningar ríkisstarfsmanna á ferðalögum innanlands - auglýsing nr.2/2023 (gildir frá 1. nóvember 2023)
Dagpeningar ríkisstarfsmanna á ferðalögum innanlands - auglýsing nr.1/2023 (fallin úr gildi)

Dagpeningar á ferðalögum erlendis

SDR er gjaldmiðlakarfa ákvörðuð af Alþjóðagjaldeyrissjóðnum. Alþjóðagjaldeyrissjóðurinn reiknar daglega gengi SDR í bandarískum dollurum út frá verði myntanna í körfunni á hádegi á gjaldeyrismarkaðnum í London. Peningamálasvið Seðlabanka Íslands ákvarðar daglega gengi SDR gagnvart íslenskri krónu. Sjá frekari upplýsingar á vef Seðlabankans.

Dagpeningar ríkisstarfsmanna á ferðalögum erlendis - auglýsing nr. 3/2014 - gildir frá og með 1. des 2014

FYRIRVARI: Athugið að leyfilegur frádráttur á móti dagpeningum og ökutækjastyrkjum, samkvæmt skattmati ríkisskattstjóra, þarf ekki að vera sama fjárhæð og ferðakostnaðarnefnd ákvarðar að greiða skuli starfsmönnum ríkisins vegna ferða á vegum launagreiðanda. Sé leyfilegur frádráttur lægri ber að skila staðgreiðslu af mismuninum.