B.04. Stafrænt forskot
| Aðgerðin er í vinnslu | |
|---|---|
Fréttir af aðgerðinni
Febrúar 2025 Námskeiðið Stafrænt forskot hefur ekki verið haldið síðan Nýsköpunarmiðstöð var lögð niður. Í ljósi tæknibreytinga ákvað HVIN að setja fókus á að vinna aðgerðaráætlun um gervigreind. Þar er m.a. unnið að því að búa til vefsíðu sem verður miðlægur vettvangur um málefni gervigreindar á Íslandi með það að markmiði að hraða ábyrgri upptöku gervigreindar hjá fyrirtækjum og samfélaginu almennt. Vettvangurinn mun innihalda leiðbeiningar um hvernig fyrirtæki og stofnaðir geta nýtt sér gervigreind, dæmi um vel heppnaðar gervigreindarinnleiðingar auk leiðbeininga um fyrirhugaða löggjöf um gervigreind.
Tengiliður
Lóa Auðunsdóttir, menningar-, nýsköpunar og háskólaráðuneyti - [email protected]
Aðgerðin
Markmið: Að fyrirtæki nýti stafræna tækni til vaxtar og viðnámsþróttar í ört breytilegu viðskiptaumhverfi.
Stutt lýsing: Fyrirtæki verði hvött til að hagnýta stafræna tækni til að auka samkeppnishæfni og nýbreytni í rekstri. Jafnframt verði þau hvött til að nýta stafrænar lausnir til að sækja fram á sviði nýsköpunar og vöruþróunar. Boðið verði upp á aðgang að fræðslu og fyrirlestrum sérfræðinga um nýtingu stafrænnar tækni, svo sem sjálfvirknivæðingu, bálkakeðjutækni, sýndarveruleika og gervigreind, við daglegan rekstur og nýsköpun. Árangur af aðgerðinni verði m.a. mældur í fjölda fyrirtækja sem taka þátt.
- Ábyrgð: Háskóla-, iðnaðar- og nýsköpunarráðuneytið.
- Framkvæmdaraðili: Háskóla-, iðnaðar- og nýsköpunarráðuneyti og Samtök verslunar og þjónustu..
- Dæmi um samstarfsaðila: Háskólinn á Bifröst, Samtök verslunar og þjónustu, landshlutasamtök sveitarfélaga, áfangastaðastofur og símenntunarmiðstöðvar.
- Tímabil: 2022–2024.
- Tenging við aðrar stefnur/áætlanir: Nýsköpunarstefna, klasastefna.
- Tenging við heimsmarkmið Sameinuðu þjóðanna: Styður markmið 8 og 9, einkum undirmarkmið 8.3, 9.4 og 9.5.
- Tillaga að fjármögnun: 12 millj. kr. af byggðaáætlun.