Fréttir af aðgerðinni

Janúar 2025 Í samræmi við tillögur átakshóps frá árinu 2020 er gert ráð fyrir að á tímabilinu 2021-2025 verði sérstöku fjármagni varið úr ríkissjóði í átak til að flýta fyrir jarðstrengjavæðingu og þrífösun dreifikerfis raforku. Framkvæmdirnar lúta nær alfarið að dreifbýlishluta dreifikerfa RARIK og Orkubús Vestfjarða. Unnið er skv. verkefnalista um hröðun strenglagna, sem samþykktur var árið 2021 þar sem heildarkostnaður RARIK er áætlaður um 1.800 m.kr. án vsk. (360 m.kr. á ári) og heildarkostnaður OV um 500 m.kr. (100 m.kr. á ári.). Stjórnvöld hafa styrkt þetta verkefni um samtals 500 m.kr. Þar af hafa 130 m.kr. þegar komið af byggðaáætlun.

• Hér má nálgast upplýsingar um framgang aðgerðarinnar á byggðaáætlun 2018-2022.

Tengiliður    

Erla Sigríður Gestsdóttir, umhverfis-, orku- og loftslagsráðuneytinu - [email protected] 

Aðgerðin

Markmið: Að afhendingaröryggi raforku verði aukið, aðgengi að áreiðanlegri orku á lands¬vísu jafnað, búsetuskilyrði bætt og atvinnutækifæri efld.

Stutt lýsing: Haldið verði áfram jarðstrengjavæðingu dreifikerfis raforku og samhliða verði það þrífasa. Einnig verði unnið að einföldun regluverks varðandi framkvæmdir í flutnings- og dreifikerfi raforku. Aðgerðin verði unnin í samræmi við fimm ára fjármálaáætlun 2021–2025 þar sem gert er ráð fyrir 600 millj. kr. framlagi úr ríkissjóði í sérstakt átak til að ljúka þrífösun og jarðstrengjavæðingu þjóðhagslega mikilvægs hluta dreifikerfis raforku að mestu leyti fyrir árið 2025.

• Ábyrgð: Umhverfis-, orku- og loftslagsráðuneytið. 
• Framkvæmdaraðili: Rarik og Orkubú Vestfjarða.
• Dæmi um samstarfsaðila: Orkustofnun og landshlutasamtök sveitarfélaga.
• Tímabil: 2022–2025.
• Tenging við aðrar stefnur/áætlanir: Orkustefna, nýsköpunarstefna.
• Tenging við heimsmarkmið Sameinuðu þjóðanna: Styður markmið 7 og 11, einkum undir¬markmið 7.1 og 11.a.
• Tillaga að fjármögnun: 275 millj. kr. úr byggðaáætlun.