Fréttir af aðgerðinni

Febrúar 2025  Á árinu 2024 var unnið að útfærslu á svæðisáætlun fyrir Reykjanesbæ um bætta landnotkun í þágu loftslagsmála. Sú svæðisáætlun er í megindráttum fullbúin, en hefur ekki enn verið birt eða samþykkt endanlega af hálfu Reykjanesbæjar. Áætlað er að leita samstarfs við fleiri sveitarfélög og/eða landshluta á árinu 2025 um vinnslu sambærilegra áætlana. Gert er ráð fyrir að bæta við áherslu á aðgerðir til aðlögunar að loftslagsbreytingum í þeirri vinnu.

Janúar 2024  Aðgerðin er í umsjón Skógræktarinnar og Landgræðslunnar. Unnið er að greiningu landsvæða og þau flokkuð með tilliti til væntanlegs árangurs mismunandi loftslagsaðgerða. Jafnframt stendur yfir samræming landupplýsingagagna og tæknilegra útfærslna og hafið er samráð við fagstofnanir og hagaðila. Áætlað er að hefja samráð við sveitarfélög og íbúa fyrri hluta árs 2024.

26. ágúst 2022  Matvælaráðherra gefur út fyrstu sameinuðu stefnuna í landgræðslu og skógrækt, auk aðgerðaáætlunar.

Tengiliður    

Bryndís Eiríksdóttir, atvinnuvegaráðuneyti - bryndis.eirik[email protected]

Aðgerðin

Markmið: Að binding kolefnis verði aukin og dregið úr losun gróðurhúsalofttegunda frá landi með breyttri landnotkun.

 Stutt lýsing: Greind verði tækifæri sem felast í breyttri landnotkun innan sveitarfélaga í þágu loftslagsmála með aukinni kolefnisbindingu í skógrækt og endurheimt vistkerfa, samdrætti í losun frá landi, svo sem þurrkuðu votlendi eða rofnu landi, eða breyttri landnýtingu. Unnin verði tækifærisgreining sem geti orðið grunnur stefnumörkunar í aðalskipulagi.

• Ábyrgð: Matvælaráðuneytið.
• Framkvæmdaraðili: Sveitarfélög og landshlutasamtök sveitarfélaga.
• Dæmi um samstarfsaðila: Skógræktin, Landgræðslan, Umhverfisstofnun, Skipulagsstofnun, Landssamtök sauðfjárbænda og Bændasamtök Íslands.
• Tímabil: 2022–2026.
• Tenging við aðrar stefnur/áætlanir: Aðgerðaáætlun í loftslagsmálum, landsáætlun í skógrækt 2021–2031 (í vinnslu, mars 2022) og landgræðsluáætlun 2021–2031 (í vinnslu, mars 2022) og landsskipulagsstefna.
• Tenging við heimsmarkmið Sameinuðu þjóðanna: Styður markmið 6, 11, 13 og 15, einkum undirmarkmið 6.6, 11.3, 13.2, 15.1 og 15.2.
• Tillaga að fjármögnun: 25 millj. kr. úr byggðaáætlun.