Hoppa yfir valmynd

Skrifstofa fjármála og rekstrar

Skrifstofustjóri: Pétur U. Fenger
Staðgengill skrifstofustjóra: Brynhildur Þorgeirsdóttir

Skrifstofan ber ábyrgð á gerð og eftirfylgni fjármálaáætlunar og fjárlaga fyrir hönd ráðuneytisins. Hún hefur yfirsýn yfir stefnur og áætlanir ráðuneytisins og ber ábyrgð á samþættingu, samræmingu og gæðum stefna og áætlana. Skrifstofan ber ábyrgð á gerð og eftirfylgni árangursstjórnunarsamninga og þjónustusamninga.

Helstu verkefni

Aðstoð við ráðherra og ráðuneytisstjóra

Skrifstofan ber ábyrgð á þjónustu við ráðherra og ráðuneytisstjóra, m.a. skipulagningu verkefna þeirra, tíma, viðtala, funda, ferða, aksturs o.fl. Þá annast skrifstofan gerð tilnefningar- og skipunarbréfa nefnda og starfshópa, sem og samskipti við Alþingi vegna fyrirspurna og gerð og uppfærslu þingmálayfirlits.

Upplýsingamiðlun

Skrifstofan ber ábyrgð á og annast upplýsingamiðlun ráðuneytisins og upplýsingagjöf til fjölmiðla.

Stefnumótun og áætlanagerð

Hlutverk skrifstofunnar er að hafa yfirsýn yfir stefnumótun og áætlanagerð. Hún ber ábyrgð á samþættingu, samræmingu og gæðum stefna og áætlana.

Fjármálaáætlun, fjárlagagerð og árangursstjórnun

Skrifstofan ber ábyrgð á gerð fjármálaáætlunar og fjárlagafrumvarps fyrir hönd ráðuneytisins. Í því felst m.a. samþætting við stefnur og áætlanir ráðuneytisins og stofnana þess, mat á útgjaldahorfum og áskorunum til langs tíma, eftirfylgni með árangri á grundvelli markmiða og mælikvarða og forgangsröðun í samræmi við áherslur ráðherra. Skrifstofan ber ábyrgð á gerð árangursstjórnunarsamninga við stofnanir ráðuneytisins og eftirfylgni með þeim í samvinnu við þá skrifstofu sem fer með málaflokkinn. Hún fylgist með árangri og ber ábyrgð á gerð og gæðum árlegrar skýrslu ráðherra til Alþingis á grundvelli laga um opinber fjármál.

Framkvæmd fjárlaga

Ábyrgð á framkvæmd fjárlaga, meðal annars samþykkt rekstraráætlana stofnana og eftirlit með útgjöldum stofnana. Greining fjárhagsveikleika einstakra stofnana og viðbrögð til að tryggja að rekstur verði í samræmi við fjárheimildir og lög um opinber fjármál.

Fjárauka- og lokafjárlög

Ábyrgð á undirbúningi frumvarps til fjáraukalaga fyrir hönd ráðuneytisins og greining og samskipti við fjármála- og efnahagsráðuneytið og Alþingi vegna frumvarps til lokafjárlaga.

Kostnaðarmat

Ábyrgð á gerð kostnaðarmats lagafrumvarpa.

Innri rekstur ráðuneytisins

Skrifstofan ber ábyrgð á fjárhagsmálum er varða innri rekstur ráðuneytisins, svo sem fjárhags-, launa- og ferðabókhald, innkaup, ábyrgð á skuldbindandi samningum ráðuneytisins og umsjón með endurskoðun samninga þar um, svo sem vegna hugbúnaðarþjónustu, fjarskipta, almennra rekstrarvara o.s.frv.

Starfsmannamál

Skrifstofan ber ábyrgð á starfsmannamálum ráðuneytisins og undirstofnana. Skrifstofan útbýr stefnur sem snúa að starfsmönnum og framfylgir þeim, annast ráðningar starfsmanna, móttöku nýrra starfsmanna, starfslok og fleira. Þá heyra starfsmannamál undirstofnana sem berast til ráðuneytisins undir skrifstofuna.

Gæðamál, fræðsla og leiðbeiningar

Skrifstofan ber ábyrgð á gæðamálum í ráðuneytinu, m.a. gerð og uppfærslu verkferla. Þá ber skrifstofan ábyrgð á gæðum þeirra skjala sem ráðuneytið lætur frá sér fara m.t.t. árangurssjónarmiða, framsetningar o.fl.

Þjónustusamningar

Skrifstofan hefur yfirsýn yfir þjónustusamninga ráðuneytsins og tryggir samræmingu og gæði þeirra.  

Framkvæmda- og húsnæðismál

Ábyrgð á hlutverki ráðuneytisins varðandi húsnæðismál stofnana þess. Tengiliður við Framkvæmdasýslu ríkisins, Fasteignir ríkissjóðs og forstöðumenn.

Nefndir og ráð

Skrifstofan hefur yfirsýn yfir nefndir og ráð sem ráðherra skipar.

Móttaka viðskiptavina og símsvörun

Afgreiðsla ráðuneytisins, móttaka viðskiptavina og pósts, símvarsla, þjónusta í fundarsölum. Einnig kaup á ýmsum rekstrarvörum og margvísleg þjónusta við starfsmenn.

Alþjóðasamskipti

Fulltrúi ráðuneytisins, sem hefur aðsetur í Brussel, heyrir undir skrifstofuna sem og styrktarsjóður Evrópusambandsins, Innri öryggissjóður – landamæri og vegabréfsáritanir.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira