Flóttafólk

Þeir sem sæta ofsóknum í heimalandi sínu eða eiga þar hættu á dauðarefsingu, pyndingum eða ómannúðlegri eða vanvirðandi meðferð eða refsingu geta sótt um vernd hér á landi. Mismunandi reglur gilda um þjónustu til þeirra sem fengið hafa vernd hér á landi:

Flóttafólk sem kemur til landsins í boði stjórnvalda (kvótaflóttafólk)

• Þjónusta við flóttafólk sem kemur til landsins í boði stjórnvalda miðast við viðmiðunarreglur flóttamannanefndar um móttöku og aðstoð við hópa flóttafólks, dagsett 10. maí 2013.

Flóttafólk sem kemur á eigin vegum til landsins (umsækjendur um alþjóðlega vernd)

• Útlendingastofnun annast afgreiðslu umsókna um alþjóðlega vernd á fyrsta stjórnsýslustigi en umsóknir eru lagðar fram hjá lögreglu. Sjá nánar hvaða reglur gilda um málefni umsækjenda um alþjóðlega vernd á vef Útlendingastofnunar. 
• Flóttafólk sem fengið hefur stöðu sína viðurkennda eftir umsókn um alþjóðlega vernd hefur frjálst val um búsetu og fær þjónustu hjá því sveitarfélagi þar sem það hefur lögheimili. Félags- og vinnumarkaðsráðuneytið hefur gefið út leiðbeinandi reglur fyrir sveitarfélög um móttökuþjónustu og aðstoð við félagslega þátttöku flóttafólks, dags. 28. maí 2014.

Móttaka flóttafólks

Sjá sérstaka undirsíðu hér á vefnum um móttöku flóttafólks.