| I. Landnotkun |
Lýsing
I.2 Efling landgræðslu. Aðgerðin felur í sér að efla landgræðslu til að auka bindingu kolefnis úr andrúmslofti, stöðva landeyðingu og draga úr losun gróðurhúsalofttegunda frá landi.Staða
Aðgerðin er í framkvæmd.
Landgræðsla efld til að auka bindingu kolefnis úr andrúmslofti og draga úr losun gróðurhúsalofttegunda frá landi.
Framkvæmd
Landgræðsla verður efld til að auka bindingu kolefnis úr andrúmslofti, draga úr losun gróðurhúsalofttegunda frá landi og efla á sama tíma lífríki. Sérstök áhersla verður lögð á aðgerðir á landi sem losar kolefni úr jarðvegi.
Í fyrstu útgáfu af Aðgerðaáætlun í loftslagsmálum kom fram að ráðist yrði í umfangsmikið átak hér á landi við endurheimt votlendis, birkiskóga og kjarrlendis, stöðvun jarðvegseyðingar og frekari landgræðslu og skógrækt.
Í framhaldinu var stofnunum umhverfis- og auðlindaráðuneytisins, Landgræðslunni og Skógræktinni, falið að vinna saman að nánari útfærslu þess átaks í samvinnu við ráðuneytið. Viðamikil áætlun um bætta landnýtingu í þágu loftslagsmála var í framhaldinu kynnt í júní 2019. Áætlunin er til fjögurra ára og aðgerðir þegar hafnar samkvæmt henni. Auk kolefnisbindingar er aðgerðunum ætlað að vinna gegn landhnignun og efla líffræðilega fjölbreytni.
Ábyrgð
Matvælaráðuneytið
Árangursmælikvarði
Aukin áhersla er á nýtingu lífræns áburðar og hefur notkun hans í landgræðslu tífaldast á síðustu árum. Einnig hefur umfang endurheimar birkiskóga sem liður í eflingu landgræðslu tvöfaldast. Árangursmælikvarðinn sem var upphaflega settur fram er því ekki talinn endurspegla verkefnið. Unnið verður að því að skilgreina nýjan mælikvarða.Áhrif á ríkissjóð
Áhrif á losun
Áætlað er að auknar aðgerðir í landgræðslu muni skila kolefnisbindingu sem samsvarar alls um 27 þúsund tonnum árið 2022. Þetta samsvarar árlega rúmlega 137 þúsund tonnum árið 2030 og 273 tonnum árið 2040.