Stök aðgerð

Verkefni

Unnið verður að umbótum í þjónustu og rekstri sýslumanna í samræmi við útgefna framtíðarsýn þar um, auk þess að ráðast í hagræðingu verkefna samhliða stafrænni þróun.

Ráðuneyti

Dómsmálaráðuneytið

Kafli

Löggæsla

Framvinda

Vegna breyttra áherslna var horfið frá fyrri áformum um að leggja fram frumvarp um breytingu á ýmsum lögum sem varða verkefni sýslumanna haustið 2023. Í staðinn kynnti dómsmálaráðherra fyrir sýslumönnum og starfsfólki þeirra áherslur sínar í málefnum sýslumanna, sem felast fyrst og fremst í áframhaldandi stefnumótunar- og greiningarvinnu til að móta nánar framtíðarsýn fyrir starfsemi embættanna. Við vinnuna skyldi byggt á, auk áður útgefinnar stefnu ráðuneytisins um framtíðarsýn fyrir sýslumenn, ríkisstjórnarsáttmálanum, gildandi fjármálaáætlun og stefnumótandi byggðaáætlun fyrir árin 2022-2036. Til að stuðla að sem bestum árangri vinnunnar fékk ráðuneytið til liðs við sig utanaðkomandi sérfræðinga ásamt því að skipa stýrihóp sem er myndaður af fulltrúum helstu haghafa. Verkefnaáætlun miðar við að fyrsti áfangi vinnunnar fari fram í janúar 2024, sem felst í viðtölum við helstu haghafa, greiningum og vinnustofu. Gert er ráð fyrir að greiningarhluta verði lokið og tillögur sérfræðinganna og stýrihópsins liggi fyrir sumarið 2024. Í kjölfarið verði teknar ákvarðanir um tillögurnar, útbúin tímasett aðgerðaráætlun og einstaka aðgerðum hrundið í framkvæmd.

Staða verkefnis

Komið vel á veg

Til baka

Hafa samband

Ábending / fyrirspurn