Stök aðgerð

Verkefni

Áætlun með fyrirbyggjandi aðgerðum í þágu barna verður innleidd.

Ráðuneyti

Mennta- og barnamálaráðuneytið

Kafli

Börn

Framvinda

Neyðarástand ríkir um vistun barna með fjölþættan vanda. Mikilvægt er að ráðast í bráðaaðgerðir í þessum málaflokki. Skýrsla stýrihóps um fyrirkomulag þjónustu við börn með fjölþættan vanda var birt í ágúst 2023. Í skýrslunni er lagt til breytt fyrirkomulag þjónustu við þyngsta hóp barna með flókinn og fjölþættan vanda með stórbættum úrræðum og aukinni aðkomu Barna- og fjölskyldustofu. Í áfangaskýrslu I frá starfshópi um mótun tillagna um kostnaðarskiptingu milli ríkis og sveitarfélaga í málaflokki fatlaðs fólks sem birt var í janúar 2024 kemur fram það sameiginlega mat fulltrúa ríkisins og sveitarfélaga að mikil tækifæri séu fyrir samfélagið í heild að nýta opinbert fé betur og veita betri þjónustu við börn með fjölþættan vanda með öðru skipulagi á þjónustunni og að greiningar stýrihóps um fyrirkomulag þjónustu við börn með fjölþættan vanda gefi vísbendingar um að hægt sé að draga úr útgjöldum hins opinbera með öðru fyrirkomulagi á þjónustunni. Var það niðurstaða starfshópsins að fýsileiki þess að þjónusta við börn með fjölþættan vanda (þriðja stigs þjónusta) verði á ábyrgð ríkisins yrði kannaður og að niðurstaða ætti að liggja fyrir ekki seinna en 1. júní nk. Í samstarfi menntamálaráðuneytis, innviðaráðuneytis, fjármálaráðuneytis og félagsmálaráðuneytis.

Staða verkefnis

Komið vel á veg

Til baka

Hafa samband

Ábending / fyrirspurn