Fréttatilkynning nr. 18/1997. Tillögur til br. á frumvarpi um lífeyrissjóðaaðild.

Nefnd fjármálaráðherra um lífeyrismál hefur lokið störfum. Nefndin náði samkomulagi um tillögur til breytinga á því frumvarpi sem var til umfjöllunar á Alþingi sl. vor. Í framhaldi af niðurstöðu nefndarstarfsins mun fjármálaráðherra leggja fram frumvarp um skyldutryggingu lífeyrisréttinda og starfsemi lífeyrissjóða. Stefnt er að afgreiðslu frumvarpsins á Alþingi fyrir áramót.

Í meðfylgjandi skilabréfi formanns nefndarinnar er gerð grein fyrir meginatriðum breytingatillagnanna. Ákvæði um lífeyrissjóðsaðild er breytt, en sú meginregla gildir áfram að aðild skuli ákveðin á grundvelli frjálsra samninga. Lámgarkstryggingavernd lífeyrissjóðs er aukin, en mismunandi útfærslumöguleikum haldið opnum. Ákveðin sveigjanleiki í lífeyrissjóðakerfinu er þar með tryggður, eins og að var stefnt sl. vor.

Tvö ný veigamikil atriði eru tekin inn í frumvarpið. Annað nýmælið heimilar sjóðfélögum að yfirfæra ellilífeyrisréttindi til maka sinna, að ákveðnum skilyrðum uppfylltum. Hitt nýmælið gerir ráð fyrir auknu eftirliti með því að allir á vinnumarkaði taki þátt í skyldutryggingu lífeyrisréttinda.

Niðurstaða nefndarstarfsins gerir ráð fyrir að heimildir einstaklinga til skattafrádráttar vegna lífeyrisiðgjalda verði rýmkaðar. Þetta verði til að efla lífeyriskerfið og auka þjóðhagslegan sparnað.

Fjármálaráðuneytinu, 26. október 1997