Nr. 07/1999
Fréttatilkynning nr. 07/1999
Opinber heimsókn landbúnaðarráðherra Noregs
Kåre Gjönnes og frú Inger Gjönnes dagana 8. - 11. ágúst 1999
Dagana 8. - 11. ágúst nk. verður hér á landi norski landbúnaðarráðherrann Kåre Gjönnes ásamt eiginkonu sinni Inger Gjönnes í boði landbúnaðarráðherra. Í fylgdarliði ráðherra verða ráðuneytisstjóri og starfsmenn norska landbúnaðarráðuneytisins.
Fyrir hádegi mánudaginn 9. ágúst munu ráðherrarnir hittast á fundi ásamt fulltrúum ráðuneytanna til að ræða mál er varða viðskipti með landbúnaðarvörur milli landanna og væntanlega samningaviðræður um málefni Alþjóðaviðskiptastofnunarinnar.
Að loknum fundi verður farið í Alþingishúsið og síðan heimsóttar stofnanir landbúnaðrins, Rannsóknastofnun landbúnaðarins og Tilraunastöð Skógræktar ríksisins á Mógilsá.
Þá mun ráðherrahjónunum og fylgdarliði verða sýndir Bessastaðir, Stofnun Árna Magnússonar, og Norræna húsið.
Þriðjudaginn 10. ágúst verður farið í skoðunarferð um Suðurland. Komið verður við í Garðyrkjuskólanum á Reykjum í Ölfusi, Skálholti, í Landgræðslu ríkisins í Gunnarsholti, á Hrafnkelsstöðum og stoppað hjá Gullfossi og Geysi.
Ráðherrahjónin og fylgdarlið halda svo af landi brott snemma að morgni miðvikudagsins 11. ágúst.
Landbúnaðarráðuneytinu,
06. ágúst 1999
06. ágúst 1999