Aðstoðarforstjóri Hafrannsóknastofnunarinnar. 10.02.01
Fréttatilkynning
Frá og með 1. febrúar sl. hefur sjávarútvegsráðherra ráðið dr. Ólaf S. Ástþórsson til að gegna starfi aðstoðarforstjóra Hafrannsóknastofnunarinnar. Ólafur lauk BS. prófi í líffræði frá Háskóla Íslands árið 1975 og doktorsprófi í sjávarlíffræði frá Háskólanum í Aberdeen, í Skotlandi, árið 1980. Frá 1981 hefur Ólafur starfað sem sérfræðingur á Hafrannsóknastofnuninni og hefur hann aðallega unnið að rannsóknum á líf- og vistfræði dýrasvifs, m.a. í sambandi við afkomu lirfa og seiða nytjafiska. Frá janúar 1990 hefur Ólafur verið verið forstöðumaður Sjó- og vistfræðisviðs Hafrannsóknastofnunarinnar og gegnt fjölmörgum stjórnunar- og nefndarstörfum á vegum stofnunarinnar bæði heima og erlendis. Hann situr og í Rannsóknaráði Íslands og hefur m.a. verið fulltrúi Íslands í stjórnarnefndum rammaáætlana Evrópusambandsins um hafvísindi og umhverfi. Ólafur er kvæntur Ástu Guðmundsdóttur, stærðfræðingi, og eiga þau þrjár dætur.
Sjávarútvegsráðuneytið
10. febrúar 2000
10. febrúar 2000