Dagsetningar samræmdra prófa í 4. og 7. bekk 1999 - mars 1999
Til skólastjóra og skólanefnda grunnskóla
Dagsetningar samræmdra prófa í 4. og 7. bekk 1999
Menntamálaráðherra hefur ákveðið að samræmd próf í íslensku og stærðfræði verði lögð fyrir nemendur í 4. og 7. bekk, haustið 1999, sbr. 46. gr. laga nr. 66/1995 um grunnskóla.
Prófdagar verða sem hér segir:
Stærðfræði í 4. og 7. bekk mánudagur 18. október 1999
Íslenska í 4. og 7. bekk þriðjudagur 19. október 1999
Ákvörðun þessi er tekin í samráði við Rannsóknarstofnun uppeldis- og menntamála sem sér um framkvæmd prófanna. Stofnunin sendir leiðbeiningar um framkvæmd og uppbyggingu prófanna til skóla fyrir skólabyrjun í haust.
(Mars 1999)