Samræmd lokapróf í fjórum námsgreinum í 10. bekk

Til skólastjóra og skólanefnda grunnskóla,
skólaskrifstofa og annarra hagsmunaðila

Menntamálaráðherra hefur ákveðið að samræmd lokapróf verði lögð fyrir í fjórum námsgreinum í 10. bekk vorið 2001, sbr. 46. gr. laga nr. 66/1995 um grunnskóla. Athygli er vakin á því að vorið 2001 verða samræmd lokapróf valfrjáls í fyrsta skipti fyrir nemendur og haustið 2001 taka ný inntökuskilyrði í framhaldsskóla gildi, sbr. reglugerð um innritun nemenda í framhaldsskóla nr. 98/2000.

Athygli er vakin á því að reglugerð um fyrirkomulag og framkvæmd samræmdra prófa í grunnskólum er í endurskoðun með hliðsjón af ákvæði um valfrelsi nemenda til próftöku og verður reglugerðin send skólum og öðrum er hún varðar um leið og hún kemur út.

Prófdagar og prófgreinar í 10. bekk grunnskóla vorið 2001 verða sem hér segir:

Íslenska	20. apríl	kl. 9.00-12.00
Enska	23. apríl	kl. 9.00-12.00
Danska	24. apríl	kl. 9.00-12.00
Stærðfræði	25. apríl	kl. 9.00-12.00



Ákvörðun um prófdaga samræmdra prófa er tekin í samráði við Rannsóknastofnun uppeldis- og menntamála sem sér um framkvæmd þeirra. Stofnunin sendir síðar nánari leiðbeiningar um framkvæmd prófanna, s.s. skráningu nemenda til prófs.

(mars 2000)