Opinber heimsókn sjávarútvegsráðherra til Rússlands. 03.04.00
Fréttatilkynning
Nú stendur yfir opinber heimsókn sjávarúvegsráðherra, Árna M. Mathiesen, til Rússlands, en þar er hann í boði Yu. P. Sinelnik, sjávarútvegsráðherra Rússlands. Á fundi ráðherranna sem haldinn var í Moskvu fyrr í dag var undirritaður tvíhliða samningur ríkjanna um samvinnu á sviði sjávarútvegs.
Um er að ræða rammasamning sem er mikilvægur fyrir samvinnu Íslands og Rússlands í sjávarútvegsmálum. Ríkin tvö skuldbinda sig meðal annars til að greiða fyrir samstarfi einkaaðila frá báðum ríkjum varðandi veiðar, vinnslu og markaðssetningu sjávarafurða. Þá verður á grundvelli samningsins stofnuð íslensk - rúsnessk fiskveiðinefnd sem mun hittast reglulega til að fjalla um sameiginleg málefni í sjávarútvegi. Einnig er gert ráð fyrir samvinnu ríkjanna á sviði hafrannsókna.
Sjávarútvegsráðuneytið
3. apríl 2000
3. apríl 2000