Malasía - Samstarf á sviði sjávarútvegs. 03.05.01
Fréttatilkynning
Í dag var haldinn fundur fulltrúa sjávarútvegsráðuneytisins Íslands og fulltrúa landbúnaðarráðuneytis Malasíu, en undanfarna daga hefur opinber sendinefnd frá Malasíu dvalið hér á landi til að kynna sér íslenskan sjávarútveg.
Á fundinum var rætt um að auka samvinnu þjóðanna á sviði sjávarútvegs með miðlun þekkingar og tæknikunnáttu milli landanna. Í því sambandi var rætt um að stuðla að aukinni samvinnu sjávarútvegsfyrirtækja í löndunum. Þá var rætt um að koma á samvinnu um fiskveiðistjórnun og hafrannsóknir og skiptast á upplýsingum sem nýtast mundu varðandi þessa þætti. Loks var fjallað um aðkomu Íslands að aukinni þjálfun og menntun einstaklinga m.a. með því að styrkja nemendur frá Malasíu til náms í Sjávarútvegsskóla Sameinuðuþjóðanna í Reykjavík.
Sjávarútvegsráðuneytinu
3. maí 2001
3. maí 2001