Viðmið eftirlitsnefndar við árlega athugun árið 2001
Nánari lýsing á ferli athugunarinnar:
I. Útreikningur á heildareinkunn við mat á fjárhagsstöðu
ii. Reiknuð er út heildareinkunn allra lykiltalnanna miðað við gefið vægi þeirra.
iii. Þau sveitarfélög þar sem útreiknuð heildareinkunn er lægri en 5,0 voru skoðuð sérstaklega.
II. Við mat á lítilli framlegð
Skoðuð voru sérstaklega þau sveitarfélög þar sem framlegð sveitarsjóðs var lægri en 10% af skatttekjum og þar sem óráðstafaðar tekjur ársins 2000 voru neikvæðar.
Útreikningur á skuldaþaki.
Útreiknað skuldaþak sýnir hversu miklar skuldir sveitarfélagið þolir til lengri tíma miðað við greiðslugetu þess á grundvelli framlegðar og forsendna um meðalvexti lána og endurgreiðslutíma. Skuldaþak sveitarfélags er reiknað sem núvirði þeirrar framlegðar sem ráðstafa má til hreinna afborgana og vaxta á þeim tíma sem eðlilegt getur talist að sveitarfélag greiði upp núverandi skuldir sínar.
Við útreikning á skuldaþaki var stuðst við eftirfarandi forsendur:
Meðalvextir: 6,5%
Hlutfall framlegðar til greiðslu afborgana og vaxta af lánum: 50,0%
Endurgreiðslutími lána: 25 ár