Staða forstjóra RF. 06.02.02
Fréttatilkynning
Árni M Mathiesen, sjávarútvegsráðherra, hefur veitt dr. Grími Valdimarssyni lausn, samkvæmt eigin ósk, frá störfum sem forstjóri Rannsóknastofnunar fiskiðnaðarins en hann starfar nú sem forstjóri fiskiðnaðardeildar sjávarútvegssviðs Matvæla- og landbúnaðarstofnunar Sameinuðu þjóðanna, FAO, í Róm.
Við þetta tækifæri færði ráðherrann dr. Grími þakkir fyrir vel unnin störf í þágu Rannsóknarstofnunar fiskiðnaðarins og sjávarútvegsráðuneytisins á liðnum árum. Þá lýsti ráðherrann yfir að hann teldi störf dr. Gríms hjá FAO, afar verðmæt fyrir íslenskan sjávarútveg og óskaði honum velfarnaðar í því starfi.
Forstjórastaðan í Rannsóknastofnun fiskiðnaðarins verður í framhaldi af lausnarveitingu dr. Gríms, auglýst laus til umsóknar.
Sjávarútvegsráðuneytið, 5. febrúar 2002.