132.080 lestir af síld
Fréttatilkynning
Síldveiðar úr norsk - íslenska síldarstofninum.
Ráðuneytið hefur í dag gefið út reglugerð um veiðar á síld úr norsk-íslenska síldarstofninum. Samkvæmt reglugerð þessari mega síldaveiðar hefjast 10. maí n.k. en veiðarnar eru háðar sérstöku leyfi Fiskistofu. Á komandi síldarvertíð er íslenskum skipum heimilt að veiða 132.080 lestir af síld og verður því magni skipt milli einstakra skipa á grundvelli aflahlutdeildar þeirra. Samkvæmt lögum, sem samþykkt voru á Alþingi í þessari viku, skal hverju skipi úthlutuð aflahlutdeild á grundvelli aflareynslu þess á síldveiðum á árunum 1994 -2001. Fiskistofa mun á næstu dögum senda útgerðum síldarskipa tilkynningu um aflahlutdeild skipa þeirra og aflamark á næstu vertíð.
Sjávarútvegsráðuneytinu, 2. maí 2002.