Rússnesk sendinefnd stödd hér á landi.
Nr. 15/ 2002
Fréttatilkynning
Dagana 15.-17. ágúst nk. verður stödd hér á landi rússnesk sendinefnd undir forystu Hr. Gennady Kirillov, fyrsta aðstoðarráðherra almannavarna og björgunarmála í Rússlandi (First Vice Minister of EMERCOM of Russia - Ministry of the Russian Federation for Civil Defence, Emergencies and Elimination of Consequences of Natural Disasters). Tilgangur ferðar sendinefndarinnar hingað til lands er að vinna að gerð samkomulags við íslensk stjórnvöld um samvinnu við uppsetningu á samræmdu neyðarnúmeri, 1-1-2, í Kaliningrad í Rússlandi.
Sólveig Pétursdóttir dóms- og kirkjumálaráðherra mun eiga fund með Hr. Kirillov og sendinefnd hans fimmtudaginn 15. ágúst nk. Í kjölfarið verður haldinn blaðamannafundur þar sem verkefnið verður kynnt nánar. Hér með er boðað til þess fundar, sem haldinn verður í Þjóðmenningarhúsinu 15. ágúst nk. og hefst hann kl. 9.30.
Í dóms- og kirkjumálaráðuneytinu,
14. ágúst 2002.
14. ágúst 2002.