Staða deildarstjóra námskrárdeildar

Staða deildarstjóra námskrárdeildar menntamálaráðuneytisins er laus til umsóknar. Umsækjendur skulu hafa lokið háskólaprófi og hafa gott vald á ensku og norðurlandamáli. Almenn þekking á menntamálum og reynsla af skólastarfi er æskileg. Umsækjendur skulu hafa góða yfirsýn yfir starfsemi leik-, grunn- og framhaldsskóla og mikilvægt er að þeir kunni skil á tengslum skóla og atvinnulífs.

Starfið gerir kröfu um mikil mannleg samskipti og því skiptir miklu máli að umsækjendur eigi auðvelt með að starfa með öðrum.

Umsóknum ásamt upplýsingum um menntun og fyrri störf skal skilað til menntamálaráðuneytisins eigi síðar en kl.16:00 þriðjudaginn 6. janúar 2004.

Nánari upplýsingar veitir Kristín Jónsdóttir skrifstofustjóri.

Menntamálaráðuneytið, 12. desember 2003.