Boðun á blaðamannafund. Norrænn menningararfur - Ráðstefna í Reykjavík

Menntamálaráðherra, boðar til blaðamannafundar á Hotel Nordica, F-sal, í dag kl. 14.15.

Menntamálaráðherra, Þorgerður Katrín Gunnarsdóttir, boðar til blaðamannafundar á Hotel Nordica, F-sal, í dag kl. 14.15, þar sem kynnt verður dagskrá ráðstefnunnar Rætur, stefnumót við norræna menningu, sem haldin verður í Reykjavík dagana 18. og 19. nóvember.

Á ráðstefnunni, sem er hluti af formennskuáætlun Íslands í norrænu ráðherranefndinni, verður leitast við að spegla norræna menningu í alþjóðlegu samhengi og er fyrirlestrum, umræðum og flutningi listamanna á verkum þeira fléttað saman í samfellda tveggja daga dagskrá. Tekur fjöldi þekktra innlendra og erlendra listamanna, þátt í ráðstefnunni.

Tilgangur ráðstefnunnar er að ræða þýðingu hins norræna menningararfs fyrir alþjóðasamfélagið og þátt hans í að efla lista- og menningarlíf líðandi stundar.