Skipun í embætti skólameistara Fjölbrautaskólans við Ármúla

Menntamálaráðherra hefur skipað Gísla Ragnarsson í embætti skólameistara Fjölbrautaskólans við Ármúla til fimm ára frá 1. janúar 2005 að telja. Gísli hefur starfað sem aðstoðarskólameistari við Fjölbrautaskólann í Garðabæ frá 1985. Tíu umsóknir bárust um embættið sem sendar voru skólanefnd Fjölbrautaskólans við Ármúla til umsagnar og tillögugerðar skv. 2. mgr. 11. gr. laga um framhaldsskóla nr. 80/1996. Skólanefndin mælti í umsögn sinni til menntamálaráðherra einróma með því að Gísla yrði veitt embættið.