Forsætisráðherra í heimsókn til Bretlands

Halldór Ásgrímsson forsætisráðherra og Sigurjóna Sigurðardóttir eiginkona hans munu á þriðjudag halda til Bretlands þar sem forsætisráðherra mun meðal annars eiga fund með Tony Blair forsætisráðherra Bretlands. Auk þess mun forsætisráðherra heimsækja íslensk fyrirtæki, og ávarpa fulltrúa úr bresku fjármála- og atvinnulífi. Heimsókn forsætisráðherra lýkur síðdegis á föstudag.

                                                                                                 Reykjavík 17. febrúar 2006