Ráðgjafarnefnd um inn- og útflutning landbúnaðarvara

Skipuð skv. ákvæðum 87. gr. laga nr. 99/1993, um framleiðslu, verðlagningu og sölu á búvörum, með síðari breytingum.

Nefndin skal vera sjávarútvegs- og landbúnaðarráðherra til ráðuneytis um neðangreind atriði:

Úthlutun tollkvóta
Ákvörðun verðjöfnunargjalda við inn- og útflutning
Beitingu viðbótartolla

Nefndin skal afla allra upplýsinga um verð á viðkomandi landbúnaðarvörum innan lands og utan, framleiðslumagn, innflutning og útflutning og annað sem nauðsynlegt er vegna starfa hennar og gera tillögur til sjávarútvegs- og landbúnaðarráðherra um þau verkefni sem henni eru falin.

Nefndina skipa:

• Ólafur Friðriksson, skrifstofustjóri í sjávarútvegs- og landbúnaðarráðuneytinu án tilnefningar
• Ögumundur Hrafn Magnússon, lögfræðingur, tilnefnd af fjármálaráðherra, varamaður er Lilja Sturludóttir, lögfræðingur,
• Þóra Margrét Hjaltested, lögfræðingur, tilnefnd af viðskiptaráðherra, varamaður er Ómar Þ. Eyjólfsson, lögfræðingur.