Verðlagsnefnd búvara

Verðlagsnefnd búvara starfar skv. IV. kafla laga nr. 99/1993 um framleiðslu, verðlagningu og sölu á búvörum

Hún er skipuð sex mönnum og ákveður afurðaverð til búvöruframleiðenda og verð búvara í heildsölu.

Samtök launþega tilnefna tvo fulltrúa í nefndina. Skal annar þeirra tilnefndur af stjórn Bandalags starfsmanna ríkis og bæja og hinn af stjórn Alþýðusambands Íslands. Noti annar aðilinn ekki tilnefningarrétt sinn færist réttur hans til hins. Stjórn Bændasamtaka Íslands og stjórnir búgreinasamtaka, sem hlotið hafa viðurkenningu skv. 4. gr. og starfa fyrir búgreinafélög þeirra afurða sem verðlagðar eru hverju sinni, tilnefna tvo fulltrúa í nefndina sameiginlega. Skal annar þeirra tilnefndur til að fjalla eingöngu um verðmyndun til framleiðenda. Skal hann víkja úr nefndinni fyrir fulltrúa samtaka afurðastöðva í nefndinni þegar fjallað er um verðmyndun hjá afurðastöðvum. Samtök afurðastöðva fyrir búvörur tilnefna tvo fulltrúa í nefndina. Skulu þeir tilnefndir þannig að í nefndinni starfi hverju sinni fulltrúar frá þeirri vinnslugrein sem um er rætt hverju sinni. Annar þessara fulltrúa skal tilnefndur til að starfa aðeins í nefndinni þegar nefndin fjallar um verðmyndun hjá afurðastöðvum og kemur í stað fulltrúa framleiðenda sem víkur sæti. Landbúnaðarráðherra tilnefnir einn fulltrúa í nefndina og er hann formaður hennar.
Varamenn skulu tilnefndir á sama hátt og aðalmenn. Ákvarðanir í nefndinni skulu teknar með einföldum meiri hluta atkvæða. Komi upp jöfn staða atkvæða sker atkvæði formanns úr um niðurstöðu.
Tilnefningu fulltrúa í verðlagsnefnd skal lokið 15. júní ár hvert. Nú notar einhver aðili ekki rétt sinn til tilnefningar og skal landbúnaðarráðherra þá tilnefna mann í nefndina í stað samtaka framleiðenda og samtaka afurðastöðva en félagsmálaráðherra á sama hátt í stað samtaka launþega. Nefndin skal fullskipuð 1. júlí ár hvert.

Hagstofa Íslands og Hagþjónusta landbúnaðarins skulu vera verðlagsnefnd til aðstoðar.

Aðalmenn:

Ólafur Friðriksson fulltrúi sjávarútvegs- og landbúnaðarráðherra, formaður

Björn Snæbjörnsson fulltrúi Alþýðusambands Íslands

Elín Björg Jónsdóttir fulltrúi Bandalags starfsmanna ríkis og bæja

Haraldur Benediktsson, fulltrúi Bændasamtaka Íslands

Pálmi Vilhjálmsson, fulltrúi Samtaka afurðastöðva í mjólkuriðnaði

Guðrún Sigurjónsdóttir, fulltrúi Samtaka afurðastöðva í mjólkuriðnaði

Sigurður Loftsson, fulltrúi Bændasamtaka Íslands

Varamenn:

Einar Sigurðsson, fulltrúi Samtaka afurðastöðva í mjólkuriðnaði

Matthías Kjeld, fulltrúi Alþýðusambands Íslands

Þuríður Einarsdóttir, fulltrúi Bandalags starfsmanna ríkis og bæja

Sigurgeir Sindir Sigurgeirsson, fulltrúi Bændasamtaka Íslands

Guðný Helga Björnsdóttir, fulltrúi Bændasamtaka Íslands

Ritari:

Kristín Sigfúsdóttir, sjávarútvegs- og landbúnaðarráðuneytinu