Nýr sendiherra Frakklands heimsækir samgönguráðherra

Nýr sendiherra Frakklands á Íslandi, Olivier Mauvisseau, heimsótti Kristján L. Möller samgönguráðherra á skrifstofu ráðuneytisins í dag.

Sendiherrann og samgönguráðherrann ræddu meðal annars umferðar- og vegamál og til dæmis um einkaframkvæmd í samgöngum, ýmsar hliðar flugmála auk annarra samskipta landanna.

Olivier Mauvisseau sendiherra tók við embættinu skömmu fyrir áramót en hann starfaði um tíma í Osló og lærði þar norsku. Hann hefur margsinnis komið til Íslands, stundað nám í íslensku og náð góðum tökum á málinu en alls talar hann 10 tungumál auk frönskunnar samkvæmt upplýsingum á vef sendiráðsins.