Nr. 18/2008 - Sjávarútvegsráðherra Indónesíu á Íslandi
Fréttatilkynning frá sjávarútvegs og landbúnaðarráðuneyti
Nr. 18/2008
Sjávarútvegsráðherra Indónesíu á Íslandi
Einar K. Guðfinnsson, sjávarútvegs- og landbúnaðarráðherra og Freddy Numberi, sjávarútvegsráðherra Indónesíu skrifuðu í morgun undir viljayfirlýsingu milli þjóðanna um samstarf á sviði sjávarútvegs.
Numberi heimsækir íslensk fyrirtæki og stofnanir í dag þar sem ráðherrann og fylgdarlið fá innsýn í íslenskan sjávarútveg, kynna sér starfsemi tæknifyrirtækja á þessum vettvangi og heimsækja Hafrannsóknastofnunina, Sjávarútvegsskóla Háskóla Sameinuðu þjóðanna og Landhelgisgæsluna. Numberi flutti erindi um indónesískan sjávarútveg á opnum fundi á Grand Hóteli í morgun þar sem möguleikar erlendra aðila til að fjárfesta í greininni í Indónesíu voru kynntir.
Á myndinni eru ráðherrarnir Freddy Numberi og Einar K. Guðfinnsson, Retno L.P. Marsudi sendiherra Indónesíu gagnvart Íslandi, Sveinn Andri Sveinsson ræðismaður Indónesíu á Íslandi og Sigurgeir Þorgeirsson ráðuneytisstjóri í sjávarútvegs- og landbúnaðarráðuneytinu.
Sjávarútvegs- og landbúnaðarráðuneytinu
11. apríl 2008