Atvinnuvega- og nýsköpunarráðuneytið

Kínverskur aðstoðarráðherra heimsækir innanríkisráðherra

Aðstoðarráðherra iðnaðar og viðskipta í Kína, Wang Dongfeng, heimsótti innanríkisráðuneytið og Neytendastofu í dag ásamt forstjóra kínversku Neytendastofunnar og forstjóra neytendasamtakanna þar í landi svo og sendiherra Kína á Íslandi. Kynnti sendinefndin sér stöðu ýmissa hliða neytenda-, viðskipta- og landbúnaðarmála hérlendis.

Í innanríkisráðuneytinu tóku á móti ráðherranum og fylgdarliði hans Ögmundur Jónasson innanríkisráðherra, Ragnhildur Hjaltadóttir ráðuneytisstjóri, Sigurbergur Björnsson, skrifstofustjóri innviðaskrifstofu, og Björn Freyr Björnsson sérfræðingur. Fulltrúar ráðuneytisins kynntu gestunum helstu verkefni ráðuneytisins og stöðu og stefnu í neytendamálum og Kínverjarnir greindu frá því helsta á þessu sviði í heimalandi sínu.

Kínverska sendinefndin heimsótti einnig Neytendastofu og kynnti sér starfsemi  Neytendasamtakanna og embættis yfirdýralæknis. Sendinefndin heldur héðan til Danmerkur og Svíþjóðar til að kynna sér neytendamál þar.

Aðstoðarráðherra iðnaðar og viðskipta í Kína heimsótti innanríkisráðuneytið ásamt sendinefnd.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn