Ársrit mennta- og menningarmálaráðuneytis 2016 er komið út

Í ársritinu er greint frá margvíslegum verkefnum sem ýmist var lokið á síðasta ári eða áföngum náð

Í ársritinu er sem fyrr einkum greint frá verkefnum sem falla utan reglubundinna verkefna ráðuneytisins, sem eru afar mörg eins og nánar er greint frá í ritinu, og ætlunin er að það gefi nokkra mynd af því sem ráðuneytiið vann að á árinu.

Í inngangi Ástu Magnúsdóttur ráðuneytisstjóra segir m.a.: „Undirbúningur að breytingum á skipulagi og starfsemi ráðuneytisins einkenndu verkefnin í ráðuneytinu á árinu 2016 ásamt fjölda verkefna við framkvæmd stefnu í menntamálum. Einn áfangi í breytingarferlinu var fólginn því að breyta skipulaginu til að auðvelda ráðuneytinu að bregðast við þeim breytingum sem urðu með tilkomu laga um opinber fjármál, nýta betur mannaflann og efla stjórnsýsluna“.