Utanríkisráðuneytið

Fyrsta lota viðræðna EFTA við MERCOSUR-ríkin

Frá fyrstu lotu fríverslunarviðræðna EFTA ríkjanna og MERCOSUR í Buenos Aires. - mynd
Fyrsta lota í fríverslunarviðræðum EFTA ríkjanna og MERCOSUR fór fram í Buenos Aires dagana 13. – 16. júní. Af Íslands  hálfu tóku Bergþór Magnússon og Andri Júlíusson þátt í viðræðunum.

MERCOSUR er tollablandalag fjögurra ríkja, Argentínu, Brasilíu, Paragvæ og Úrugvæ. Samtals er íbúafjöldi þeirra um 260 milljónir.

Meðal efnisatriða sem rætt var um má nefna vöruviðskipti, upprunareglur, þjónustuviðskipti, fjárfestingar, vernd hugverkaréttinda, opinber innkaup og viðskipti og sjálfbæra þróun. Ekki er enn farið að ræða markaðsaðgang fyrir einstakar vörur.

Utanríkisráðuneytið hvetur fyrirtæki og einstaklinga eindregið til að koma á framfæri við ráðuneytið upplýsingum um viðskiptahagsmuni í fyrrgreindum ríkjum MERCOSUR-tollabandalagsins á sviði vöru- og þjónustuviðskipta sem óskað er eftir að lögð verði áhersla á í viðræðunum. Ef fyrirtæki koma sjónarmiðum sínum á framfæri tímanlega getur íslenska samninganefndin tekið mið af þeim í samningaviðræðunum.

Næsta samningalota fer fram í Genf dagana 28. ágúst til 1. september.

Efnisorð

Heimsmarkmiðin

Heimsmarkmið - mynd
Heimsmarkmið - mynd
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn