Ljósmóðir, gæða- og öryggismál - Landspítali, fæðingavakt - Reykjavík - 201711/1769
Ljósmóðir með umsjón gæða- og öryggismála á fæðingarvakt
Til umsóknar er starf ljósmóður með umsjón gæða- og öryggismála á fæðingarvakt á Landspítala. Um er að ræða nýtt starf sem hefur verið í mótun sl. ár, tengt gæða- og öryggismenningu deildarinnar auk hefðbundinna ljósmóðurstarfa á deildinni. Náið samstarf er með yfirljósmóður og starfsmönnum fæðingarþjónustu, ásamt öðrum starfsmönnum gæða- og öryggismála á kvenna- og barnasviði.
Á fæðingarvaktinni er veitt þjónusta við konur í eðlilegri fæðingu og einnig við konur með áhættuþætti sem þurfa sérhæft eftirlit í fæðingu.
Unnið er í vaktavinnu í 80-100% starfshlutfalli. Ráðið verður í starfið frá 1. janúar 2018 eða eftir nánara samkomulagi.
Helstu verkefni og ábyrgð
» Gæða- og umbótaverkefni í samræmi við stefnu og starfsáætlun
» Uppbygging og viðhald gæðahandbókar
» Fræðsla og upplýsingagjöf tengd gæða- og öryggismálum
» Úrvinnsla atvika
» Vinna að öryggismálum í samvinnu við öryggistrúnaðarmann deildar
» Vinnur að sýkingarvörnum í samvinnu við sýkingarfulltrúa deildar
Hæfnikröfur
» Íslenskt ljósmóðurleyfi
» Menntun eða reynsla af gæða-/ öryggisstjórnun og verkefnastjórnun
» Skipulögð og öguð vinnubrögð
» Framúrskarandi samskiptahæfni
» Reynsla af ljósmóðurstörfum við fæðingar
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.
Umsókn fylgi náms- og starfsferilskrá ásamt starfsleyfi.
Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 80 - 100%
Umsóknarfrestur er til og með 04.12.2017
Nánari upplýsingar veitir
Anna Sigríður Vernharðsdóttir - [email protected] - 824 5902
LSH Fæðingarvakt
Hringbraut
101 Reykjavík