Framhaldsskólakennari, danska - Fjölbrautaskóli Snæfellinga - Grundarfjörður - 201712/1911

Fjölbrautaskóli Snæfellinga auglýsir eftirfarandi stöðu lausa til umsóknar:

Við Fjölbrautaskóla Snæfellinga er laus til umsóknar tímabundin staða framhaldsskólakennara í dönsku á vor- og haustönn 2018. Um hálfa stöðu er að ræða.
Umsækjendur þurfa að hafa háskólamenntun í viðkomandi námsgrein ásamt kennsluréttindum í framhaldsskóla.

Umsókn með upplýsingum um menntun og starfsreynslu skal skila í tölvupósti til skólameistara á netfangið [email protected] eigi síðar en 2. janúar 2018. 

Helstu áherslupunktar í kennsluháttum skólans eru  nýting upplýsingatækni í skólastarfi, fjölbreyttar verkefnamiðaðar kennsluaðferðir, vendinám og námsmat með sérstakri áherslu á leiðsagnarmat.  Leitað er að kennurum sem hafa frumkvæði, eru sjálfstæðir í vinnubrögðum og hafa áhuga á að taka þátt í þróunarstarfi.

Ráðið verður í stöðuna frá 1.janúar 2018.

Laun kennara eru samkvæmt kjarasamningi KÍ og fjármálaráðuneytis. Öllum umsóknum verður svarað þegar ákvörðun um ráðningu liggur fyrir.

Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga.

Sakavottorð fylgi umsókn.

Nánari upplýsingar gefur undirrituð, í síma 430 8400 á skrifstofutíma. (Netfang: [email protected])  

Á heimasíðu skólans, www.fsn.is  er að finna ýmsar upplýsingar um skólann og starfsemi hans.

Skólameistari