Verkefnastjóri - Heilsugæsla höfuðborgarsvæðisins - Reykjavík - 201802/417
Verkefnastjóri á deild eigna- og innkaupa - Heilsugæsla höfuðborgarsvæðisins
Laust er til umsóknar 100% starf verkefnastjóra deild eigna- og innkaupa hjá Heilsugæslu höfuðborgarsvæðisins. Deildin heyrir undir svið fjármála og rekstrar sem staðsett er í Álfabakka 16. Æskilegt er að viðkomandi geti hafið störf sem fyrst eða eftir nánara samkomulagi. Umsóknarfrestur er til og með 12. mars 2018.
Helstu verkefni og ábyrgð
- Umsjón með, ásamt öðrum starfsmönnum deildar, að húsnæði og lóðir Heilsugæslunnar séu ávallt í fullnægjandi ástandi og aðgengileg fyrir starfsfólk og skjólstæðinga.
- Gerð viðhaldsáætlana í samvinnu við deildarstjóra og fagfólk.
- Stýring framkvæmda og eftirlit með þeim.
- Þjónusta og samskipti við notendur húsnæðis og þjónustuaðila.
- Almennt viðhald, flutningur á húsgögnum, vinnubúnaði og tækjum.
Hæfnikröfur
- Menntun á byggingarsviði eða önnur menntun sem nýtist í starfinu.
- Reynsla af eignaumsjón og viðhaldsvinnu er kostur.
- Leiðtogafærni, þjónustulund og framúrskarandi hæfni í mannlegum samskiptum.
- Fagleg vinnubrögð og skipulagshæfni.
- Metnaður, frumkvæði og geta til að starfa sjálfstætt.
- Góð íslenskukunnátta og hæfni til að tjá sig í ræðu og riti nauðsynleg.
- Góð tölvukunnátta.
- Bílpróf.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Umsókn skal fylgja ítarleg náms- og starfsferlisskrá. Mat á hæfni umsækjanda byggir á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóri mannauðs og nýliðunar, Heilsugæslu höfuðborgarsvæðisins, Álfabakka 16, 109 Reykjavík.
Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.
Starfshlutfall er 100%
Umsóknarfrestur er til og með 12.03.2018
Nánari upplýsingar veitir
Birgir Guðjónsson - [email protected] - 513-5017
Jónas Guðmundsson - [email protected] - 513-5021
HH Fjármál og rekstur, eigna- og innkaupadeild
Álfabakki 16
109 Reykjavík