Samgöngu- og sveitarstjórnarráðuneytið

Skrifað undir samninga um ljósleiðarastyrki verkefnisins Ísland ljóstengt

Fulltrúar nokkurra sveitarfélaga ásamt samgöngu- og sveitarstjórnarráðherra við undirritunina í dag. - mynd

Fulltrúar fjarskiptasjóðs og sveitarfélaga skrifuðu í dag undir 24 samninga um styrki fjarskiptasjóðs vegna ljósleiðaravæðingar sveitarfélaga í tengslum við landsátakið Ísland ljóstengt. Sigurður Ingi Jóhannsson, samgöngu- og sveitarstjórnarráðherra, staðfesti samningana með undirskrift sinni og fór athöfnin fram í ráðuneytinu.

Sveitarfélögin 24 fá samtals 450 milljónir króna í styrki, á bilinu 2 til 74 milljónir króna hvert. Auk styrkja frá fjarskiptasjóði þá leggja íbúar og sveitarfélög að lágmarki 350.000 kr. af mörkum vegna hverrar tengingar en í mörgum tilfellum er þörf á töluvert hærra framlagi heimamanna. Í þeim tilfellum að sveitarfélag ætlar ekki að eiga og reka eigið kerfi greiða fjarskiptafyrirtæki fyrir það að eignast slík kerfi eða reka fyrir hönd sveitarfélagsins.

Fimmtán sveitarfélög fá byggðastyrki
Ráðherra skrifaði jafnframt undir samtals100 milljón króna samninga við 15 sveitarfélög um sérstaka byggðastyrki á bilinu ein  til 15 milljónir króna í tengslum við Ísland ljóstengt.

Landsátakið í ljósleiðaravæðingu, Ísland ljóstengt, hófst vorið 2016. Er þetta þriðja úthlutun samkeppnisstyrkja í tengslum við átaksverkefnið. Eftir er að semja um styrki vegna 1.500 staða af um 5.500 ótengdum styrkhæfum stöðum sem voru undir í verkefninu í upphafi.

Áhersla er lögð á hagkvæma samlegð með öðrum mögulegum veituframkvæmdum og hagkvæma nýtingu innviða sem fyrir eru. Markmið átaksins er að 99,9% lögheimila og fyrirtækja eigi kost á að minnsta kosti 100 Mb/s þráðbundinni nettengingu árið 2020. Ljósleiðaravæðing utan þéttbýlis stuðlar jafnframt að uppfærslu stofnkerfa fjarskipta á landsvísu og er hún þannig forsenda áreiðanleika, útbreiðslu og gagnaflutningshraða allra farneta utan þéttbýlis.

Framlag ríkisins til Ísland ljóstengt 2018 Byggða-styrkur Samkeppnis-styrkur Samtals
Bláskógabyggð 5.600.000 6.166.890 11.766.890
Borgarbyggð 15.100.000 33.151.000 48.251.000
Borgarfjarðarhreppur 3.100.000 24.953.465 28.053.465
Breiðdalshreppur 1.500.000 1.500.000
Dalabyggð 3.400.000 50.949.000 54.349.000
Djúpavogshreppur 10.900.000 3.881.600 14.781.600
Fjallabyggð 9.000.000 9.000.000
Fjarðabyggð 22.400.000 22.400.000
Fljótsdalshérað 25.789.935 25.789.935
Flóahreppur 4.200.000 74.094.000 78.294.000
Grímsnes- og Grafningshreppur 39.914.110 39.914.110
Húnaþing vestra 11.700.000 24.600.000 36.300.000
Ísafjarðarbær 18.771.000 18.771.000
Kaldrananeshreppur 6.070.000 6.070.000
Kjósarhreppur 25.000.000 25.000.000
Langanesbyggð 6.200.000 1.400.000 7.600.000
Norðurþing 9.900.000 15.600.000 25.500.000
Seyðisfjarðarkaupstaður 1.975.000 1.975.000
Skaftárhreppur 13.500.000 7.875.000 21.375.000
Skorradalshreppur 2.900.000 2.900.000
Strandabyggð 1.000.000 7.593.000 8.593.000
Sveitarfélagið Árborg 9.950.000 9.950.000
Sveitarfélagið Skagafjörður 5.800.000 16.400.000 22.200.000
Sveitarfélagið Vogar 8.000.000 8.000.000
Tálknafjarðarhreppur 1.600.000 1.600.000
Vesturbyggð 6.500.000 13.566.000 20.066.000
100.000.000 450.000.000

 

Haraldur Benediktsson, skrifaði undir samningana fyrir hönd fjarskiptasjóðs og Sigurður Ingi Jóhannsson staðfesti þá. Fulltrúi Bláskógabyggðar (lengst til hægri) var Helgi Kjartansson.

Fulltrúi Borgarbyggðar var Gunnlaugur A. Júlíusson.

Fulltrúi Borgarfjarðarhrepps var Jakob Sigurðsson.

Fulltrúi Dalabyggðar var Sveinn Pálsson.

Fulltrúi Flóahrepps var Eydís Indriðadóttir.

Fulltrúi Kjósarhrepps var Guðný G. Ívarsdóttir.

Fulltrúi Húnaþings vestra var Guðný Hrund Karlsdóttir.

Frá Ísafjarðarbæ kom Þórdís Sif Sigurðardóttir.

Fulltrúi Grímsnes- og Grafningshrepps var Ingibjörg Harðardóttir.

Fulltrúi Seyðisfjarðar var Vilhjálmur Jónsson.

Fulltrúi Skaftárhrepps var Sandra Brá Jóhannsdóttir.

Fulltrúi Strandabyggðar var Jón Gísli Jónsson.

Fulltrúi Árborgar var Ásta Stefánsdóttir.

Frá Sveitarfélaginu Vogum kom Ásgeir Eiríksson.

 

Efnisorð

Hafa samband

Ábending / fyrirspurn