Hjúkrunarfræðingur á göngudeild þvagfæra 11A
Hjúkrunarfræðingur - Fjölbreytt starf á göngudeild þvagfæra 11A
Við viljum ráða hjúkrunarfræðing í fullt dagvinnustarf á göngudeild þvagfæra á 11A við Hringbraut. Tilvalið fyrir framsækinn og metnaðarfullan hjúkrunarfræðing.
Á göngudeild þvagfæra er sérhæfð göngudeildarþjónusta við sjúklinga utan sem innan spítala auk ráðgjafar og kennslu. Þar fara fram ýmsar rannsóknir, greiningar og meðferðir á sjúkdómum í þvagfærum s.s. nýrnasteinbrjótsmeðferð og þvaglekaráðgjöf. Á deildinni er öflugur hópur reyndra hjúkrunarfræðinga, þar ríkir góður starfsandi sem einkennist af vinnugleði og metnaði. Markvisst er unnið að umbótum og framþróun hjúkrunar sérgreinanna.
Við tökum vel á móti nýjum starfsmönnum og veitum einstaklingbundna aðlögun undir leiðsögn reyndra hjúkrunarfræðinga. Áhugasamir hafi samband við Hrafnhildi Baldursdóttur, deildarstjóra.
Helstu verkefni og ábyrgð
» Ákveða, skipuleggja og veita hjúkrunarmeðferð í samráði við teymið og skjólstæðinga
» Þátttaka í þverfaglegri teymisvinnu
» Þróun nýrra verkefna og þátttaka í þverfaglegri teymisvinnu innan deildar og í samvinna við legudeildir sérgreina
» Skráning hjúkrunar í samræmi við reglur Landspítala
Hæfnikröfur
» Faglegur metnaður og sjálfstæði í starfi
» Áhugi á að starfa í krefjandi og fjölbreyttu umhverfi
» Jákvætt viðmót og góðir samskiptahæfileikar
» Hæfni og geta til að starfa í teymi
» Starfsreynsla æskileg
» Íslenskt hjúkrunarleyfi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.
Starfið er laust frá 1. október 2018 eða eftir nánara samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi.
Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 03.09.2018
Nánari upplýsingar veitir
Hrafnhildur L Baldursdóttir - [email protected] - 825 3728
LSH Göngudeild þvagfæra
Hringbraut
101 Reykjavík
Smelltu hér til að sækja um starfið