Sérfræðingur á efnarannsóknarstofu
Sérfræðingur á efnarannsóknarstofu
Íslenskar orkurannsóknir, ÍSOR, leita að metnaðargjörnum einstaklingi í fullt starf á efnarannsóknarstofu. Efnarannsóknarstofan sér um greiningar á vökva- og gassýnum, einkum í tengslum við grunnvatns- og jarðhitarannsóknir.
Starfið felur í sér:
• Vinnu við efnagreiningar og rekstur efnagreiningatækja.
• Umsjón með efnalager og innslátt gagna.
• Eftir atvikum þróun aðferða og tækja til sýnatöku og efnagreininga.
• Vinnu við gæðastjórnunarkerfi.
Menntunar- og hæfniskröfur:
• B.Sc. eða M.Sc. próf í efnafræði, jarðefnafræði, lífefnafræði eða lyfjafræði.
• Haldgóð reynsla á sviði efnagreininga er nauðsynleg.
• Reynsla af vinnu samkvæmt ISO 17025 eða öðru gæðastjórnunarkerfi æskileg.
• Góð almenn tölvukunnátta, reynsla af efnagreiningaforritum og gagnagrunnum er kostur.
• Frumkvæði, nákvæmni og öguð vinnubrögð.
• Lipurð í mannlegum samskiptum.
• Gott vald á íslensku og ensku, bæði í ræðu og riti.
Fastur vinnustaður er í Reykjavík en starfið getur falið í sér vinnu utanbæjar. Laun eru samkvæmt kjarasamningi fjármálaráðherra og hlutaðeigandi stéttarfélags. Við ráðningu er tekið mið af jafnréttisáætlun ÍSOR.
Nánari upplýsingar veitir Ingólfur Ö. Þorbjörnsson, deildarstjóri jarðhitaverkfræði, netfang: [email protected]
Umsóknir, ásamt ferilskrá, berist Valgerði Gunnarsdóttur, starfsmannastjóra, netfang: [email protected]
Umsóknarfrestur er til og með 14. september 2018. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin.
ÍSOR er meðal helstu fyrirtækja í heiminum á sviði rannsókna og þróunar í jarðhita og nýtur alþjóðlegrar viðurkenningar sem slíkt. ÍSOR veitir ráðgjafarþjónustu og annast beinar grunnrannsóknir á flestum sviðum jarðhitanýtingar og annarra auðlinda, ásamt því að annast kennslu í jarðhitafræðum. ÍSOR er sjálfstæð ríkisstofnun sem heyrir undir umhverfis- og auðlindaráðuneytið en starfar á viðskiptalegum grundvelli á samkeppnismarkaði.
Aðalstöðvar ÍSOR eru í Reykjavík og útibú er á Akureyri.