Teymisstjóri tölvurekstrar
Teymisstjóri tölvurekstrar
Við leitum að einstaklingi til að stýra teymi tölvurekstrar á Þjónustusviði Þjóðskrár Íslands. Ef þú ert rétti einstaklingurinn sem er tilbúinn að leiða okkur inn í framtíðina, hefur brennandi áhuga á tækni, metnað fyrir nýjungum og hæfileika til að miðla þekkingu þá viljum við fá þig í hópinn.
Helstu verkefni:
• Ábyrgð á daglegum rekstri tölvukerfa
• Ábyrgð á daglegum rekstri tölvurekstrarþjónustu
• Ábyrgð á að tölvurekstur sé í samræmi við ISO27001
• Stefnumótun og framþróun tölvuumhverfis ÞÍ
• Samskipti við birgja og innkaup
Hæfniskröfur:
• Tæknilegar vottanir eða önnur menntun sem nýtist í starfi er skilyrði
• Haldgóð reynsla í rekstri tölvukerfa er skilyrði
• Góð þekking á Microsoft, Linux og tölvunetum er mikill kostur
• Reynsla af stjórnun og leiðtogahæfni er kostur
• Þekking á ISO27001 er kostur
• Góðir skipulagshæfileikar og samskiptafærni
• Sjálfstæði, frumkvæði og framúrskarandi þjónustulipurð
Við hvetjum konur jafnt sem karla til að sækja um starfið. Í teyminu starfa fimm kerfisstjórar sem þjónusta Þjóðskrá Íslands ásamt nokkrum opinberum stofnunum.
Við kunnum vel að meta frumkvæði, nákvæmni, sköpunargleði og hraða í vinnubrögðum. Við nýtum aðferðir straumlínustjórnunar til að verða betri í dag en í gær.
Um er að ræða fullt starf og laun samkvæmt gildandi kjarasamningi. Umsóknarfrestur er til og með 5. nóvember 2018.
Umsóknum skulu fylgja starfsferilskrár og kynningarbréf. Umsóknir óskast sendar á netfangið [email protected]. Athygli er vakin á því, að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.
Nánari upplýsingar veitir Dagbjört M. Pálsdóttir, deildarstjóri, netfang [email protected].
Hlutverk Þjóðskrár Íslands er að greiða götu fólks og fyrirtækja í samfélaginu og gæta upplýsinga um réttindi þeirra og eignir. Við sinnum því með því að safna, varðveita og miðla upplýsingum um fólk, mannvirki og landeignir. Innan starfsviðs Þjóðskrár Íslands er rekstur fasteignaskrár og þjóðskrár, útgefið fasteignamat og brunabótamat, rekstur island.is og umsjón með útgáfu vegabréfa.
Við leggjum ríka áherslu á jákvæð samskipti og góða samvinnu sem er undirstaða góðrar þjónustu. Við teljum eftirsóknarvert að fá til liðs við okkur þá sem vilja starfa í anda gilda okkar um virðingu, sköpunargleði og áreiðanleika. Þjóðskrá Íslands er bæði staðsett í Reykjavík og á Akureyri.