Hoppa yfir valmynd
Samgöngu- og sveitarstjórnarráðuneytið

Ný reglugerð um Jöfnunarsjóð lögð fram í samráðsgátt til umsagnar

Samráðsgátt - opið samráð við almenning - mynd

Samgöngu- og sveitarstjórnarráðuneytið hefur lagt drög að nýrri reglugerð um Jöfnunarsjóð sveitarfélaga í samráðsgátt stjórnvalda til umsagnar. Í drögunum eru gerðar breytingar á forsendum útgjaldajöfnunarframlaga og efni gildandi reglugerðar, nr. 960/2010, uppfært í takt við breytingar á lögum um tekjustofna sveitarfélaga.

Breytingar á forsendum útgjaldajöfnunarframlaga eru byggðar á vinnu sem hefur farið fram við endurskoðun á regluverki Jöfnunarsjóðs á undanförnum árum. Markmið þeirra eru að:

  • auka jöfnuð milli sveitarfélaga.
  • styrkja millistór sveitarfélög og draga úr framlögum til tekjuhærri sveitarfélaga.
  • draga úr neikvæðum áhrifum vegna sameiningar sveitarfélaga á framlög sjóðsins til útgjaldajöfnunar og styrkja þar með hvata til sameiningar.
  • auka framlög til sveitarfélaga sem eru með hlutfallslega mörg börn á grunnskólaaldri, sveitarfélaga sem hafa marga þéttbýliskjarna og sveitarfélaga á vaxtarsvæðum.

Gert er ráð fyrir því að framangreindar breytingar taki gildi um næstu áramót.

Nánari umfjöllun má lesa í samráðsgátt stjórnvalda

Efnisorð

Hafa samband

Ábending / fyrirspurn


Þessi síða notar vafrakökur Lesa meira