Lyfjatæknir - Sjúkrahúsapótek Landspítala
Lyfjatæknir - Sjúkrahúsapótek Landspítala
Við viljum ráða 3 öfluga lyfjatækna til starfa í Sjúkrahúsapótek Landspítala. Um er að ræða störf í blöndunareiningu apóteksins, grunnstarfsemi og í afgreiðsluapótekinu. Unnið er í dagvinnu virka daga og stakar helgar eftir að þjálfun lýkur. Starfshlutfall er samkomulag en æskilegt er að viðkomandi geti ráðið sig í fullt starf og geti hafið störf sem fyrst. Við hvetjum karla jafnt sem konur til að sækja um starfið.
Sjúkrahúsapótek Landspítala mun heyra undir aðgerðarsvið frá 1. mars nk og telur um 65 lyfjafræðinga, lyfjatækna og sérhæfða starfsmenn sem starfa við fjölbreytt verkefni og í nánu samstarfi við starfsmenn spítalans.
Hlutverk Sjúkrahúsapóteks Landspítala er að þjónusta deildir spítalans og sjúklinga með öflun og dreifingu lyfja ásamt faglegri upplýsingagjöf. Starfsemin skiptist í 4 starfsstöðvar, grunnstarfsemi, blöndun lyfja með smitgát fyrir dag og göngudeildir, afgreiðsluapótek og klínískt teymi lyfjafræðinga.
Helstu verkefni og ábyrgð
» Innkaup, vörumóttaka og frágangur lyfja
» Birgðastýring lyfja á deildum
» Tiltekt lyfja fyrir blöndun eða deildir spítalans
» Lyfjablöndun með smitgát
» Afgreiðsla lyfseðla og hjúkrunarvara
» Önnur tilfallandi verkefni
Hæfnikröfur
» Skipulögð, sjálfstæð og nákvæm vinnubrögð
» Frumkvæði, metnaður og samviskusemi
» Góð samskiptahæfni og jákvætt viðmót
» Góð íslenskukunnátta bæði tal- og ritmál
» Góð tölvukunnátta
» Reynsla af lyfjatæknastörfum er kostur
» Íslenskt starfsleyfi lyfjatæknis
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Tekið er mið af jafnréttisstefnu LSH við ráðningar á spítalanum.
Umsókn skal fylgja náms- og starfsferilskrá ásamt starfsleyfi. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 60 - 100%
Umsóknarfrestur er til og með 04.03.2019
Nánari upplýsingar veitir
Inga Jakobína Arnardóttir - [email protected] - 543 8246/ 825 5070
Landspítali
Sjúkrahúsapótek
Hringbraut
101 Reykjavík
Smelltu hér til að sækja um starfið