Hjúkrunarfræðingar - Framtíðarstörf
Heilbrigðisstofnun Suðurnesja óskar eftir að ráða hjúkrunarfræðinga til starfa í Reykjanesbæ, þ.e í heimahjúkrun, á legudeild, á slysa- og bráðamóttöku, í skólaheilsugæslu og á hjúkrunarheimilið Víðihlíð Grindavík. Um er að ræða dag- eða vaktavinnu.
Leitað er eftir áhugasömum og metnaðarfullum einstaklingum sem geta unnið sjálfstætt.
Á stofnuninni er góð samvinna milli deilda, boðleiðir eru stuttar og hér ríkir góður starfsandi.
Viljum benda áhugasömum hjúkrunarfræðingum á nýjan stofnanasamning og tilraunaverkefni sem gildir til 30. september 2019. Hægt er að nálgast samninginn á www.hjukrun.is
Helstu verkefni og ábyrgð
Um er að ræða fjölbreytt og krefjandi starf með skemmtilegu og metnaðarfullu starfsfólki. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.
Hæfnikröfur
- Íslenskt hjúkrunarleyfi
- Faglegur metnaður
- Góð samskiptahæfni
- Sjálfstæði í vinnubrögðum
- Jákvætt og hlýtt viðmót
- Starfsreynsla er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á www.hss.is undir Laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum, viðtölum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.
Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 27.000 manns.
Starfshlutfall er 20 - 100%
Umsóknarfrestur er til og með 13.05.2019
Nánari upplýsingar veitir
Ingibjörg S Steindórsdóttir - [email protected] - 422-0500
Heilbrigðisstofnun Suðurnesja
Hg Keflavík Hjúkrunarfræðingar
Skólavegur 6-8
230 Reykjanesbær