Aðstoðarmaður við framkvæmda- og tæknisvið Háskóla Ísland

Laust er til umsóknar 50% starf aðstoðarmanns við rekstur fasteigna, framkvæmda- og tæknisviði Háskóla Íslands. 

Framkvæmda- og tæknisvið hefur yfirumsjón með málefnum er lúta að skipulagi lóða Háskóla Íslands ásamt byggingum og rekstri á þeim. Rekstur fasteigna sér um allan almennan rekstur á húsnæði skólans m.a. umsjón með byggingum, sorphirðumál, ræstingu, eftirlit með almennri nýtingu húsnæðisins og fleira. 

Helstu verkefni og ábyrgð
>> Viðhald á byggingum og húsbúnaði
>> Flutningur innan og milli bygginga
>> Samsetningar húsgagna
>> Létt þrif inni og úti
>> Sorphirðumál
>> Önnur tilfallandi verkefni

Hæfnikröfur
>> Nám í húsasmíði 
>> Reynsla af viðgerðum á húsbúnaði
>> Þjónustulund og lipurð í mannlegum samskiptum
>> Sjálfstæð og skipulögð vinnubrögð
>> Gott auga fyrir snyrtimennsku og því sem betur má fara
>> Jákvæðni og samstarfsvilji 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Við ráðningu verður tekið mið af samsetningu hópsins sem viðkomandi verður hluti af.

Gert er ráð fyrir að umsækjandi geti hafið störf sem fyrst.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.
Starfshlutfall er 50%
Umsóknarfrestur er til og með 06.08.2019

Nánari upplýsingar veitir
Laufey Sigurðardóttir - [email protected] - 525 4286

Háskóli Íslands
Rekstur Fasteigna
v/Suðurgötu
101 Reykjavík

Sækja um starf