Vélfræðingur í þvottahús
Vélfræðingur í þvottahús Landspítala
Landspítali auglýsir laust til umsóknar fullt starf vélfræðings í þvottahús Landspítala frá og með 1. janúar 2020. Hlutverk þvottahússins er að sjá um þvottinn, afgreiðslu og endurnýjun á öllu líni fyrir Landspítala ásamt því að reka saumastofu sem sinnir viðgerðum á öllu líni spítalans.
Verkefni vélfræðings í þvottahús Landspítala eru fjölbreytt og gefandi og oft unnin við aðstæður sem markast af þeirri þjónustu sem Landspítali veitir. Vélbúnaður þvottahússins er umfangsmikill og er vélfræðingur ábyrgur fyrir umsjón og viðhaldi á þeim vélbúnaði ásamt rekstri gufukatla, bæði rafskautsketils og olíuketils, til gufuframleiðslu fyrir þvottahús og dauðhreinsunardeild spítalans. Næsti yfirmaður er rekstrarstjóri
Leitað er eftir vélfræðingi sem er sjálfstæður í starfi og sem býr yfir lipurð í mannlegum samskiptum.
Helstu verkefni og ábyrgð
» Skipulagning fyrirbyggjandi viðhalds vélabúnaðar og framkvæmd þess
» Eftirlit með öllum vélbúnaði og kerfum þvottahússins, eins og loftræsti-, þjófavarnar- og eldvarnarkerfum
» Áætlanagerð um endurnýjun vélbúnaðar og/ eða varahluta í samráði við stjórnendur
» Viðhald búnaðar og tækja sem notaður er til framleiðslu
Hæfnikröfur
» Gerð er krafa um vélfræðingsmenntun
» Þekking og reynsla í umsjón flókinna tæknikerfa æskileg
» Reynsla af rekstri gufukerfa og notkun fyrirbyggjandi viðhaldskerfa æskileg
» Sjálfstæði, frumkvæði og lausnamiðuð nálgun
» Þjónustulund og geta til að starfa í teymi
» Geta til að tjá sig í ræðu og riti á íslensku
» Góð almenn tölvukunnátta
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Tekið er mið af jafnréttisstefnu LSH við ráðningar á spítalanum.
Umsókn fylgi náms- og starfsferilskrá. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 30.09.2019
Nánari upplýsingar veitir
Karólína Guðmundsdóttir - [email protected] - 543 1515
Viktor Ellertsson - [email protected] - 543 1517
Landspítali
Þvottadeild
Tunguhálsi 2
110 Reykjavík
Smelltu hér til að sækja um starfið