Forritari, Háskóli Íslands
Forritari, Háskóli Íslands
Laust er starf forritara við upplýsingatæknisvið Háskóla Íslands. Nýr starfsmaður verður hluti af öflugu hugbúnaðarteymi sem þróar fjölbreyttar og sérhæfðar hugbúnaðarlausnir fyrir háskólasamfélagið.
Helstu verkefni og ábyrgð
Forritari vinnur að forritun og rekstur innri vefs sem gengur undir nafninu UGLA og er í notkun hjá Háskóla Íslands, Háskólanum á Akureyri, Landbúnaðarháskóla Íslands, Háskólanum á Hólum og Háskólanum á Bifröst. Þarfagreining og ráðgjöf varðandi hugbúnaðarþróun fyrir háskólasamfélagið er einnig verkefni forritarans.
Hæfnikröfur
>>Háskólamenntun í tölvunarfræði eða önnur menntun sem nýtist í starfið.
>>Þekking á vefforritun (PHP, HTML, CSS, JavaScript).
>>Þekking á notkun gagnagrunna.
>>Þjónustumiðað hugarfar.
Æskilegt er að viðkomandi geti hafið störf sem fyrst.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Eftirfarandi gögn skulu fylgja umsókn:
>> Ferilskrá
>> Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
>> Staðfest afrit af prófskírteinum
>> Upplýsingar um umsagnaraðila
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.
Upplýsingatæknisvið Háskóla Íslands er til húsa í Neshaga 16. Þar er fyrsta flokks starfsaðstaða, góður matur og gott pláss. Starfsumhverfið er skemmtilegt og fjölskylduvænt. Upplýsingatæknisvið hefur í gegnum árin verið í framvarðarsveit upplýsingatækniþróunar á Íslandi og mörg spennandi verkefni koma reglulega upp á borðið.
Starfshlutfall er 100%
Umsóknarfrestur er til og með 13.07.2020
Nánari upplýsingar veitir
Ragnar Stefán Ragnarsson - [email protected] - 5254221
Háskóli Íslands
Upplýsingatæknisvið
Neshaga 16
107 Reykjavík
Smellið hér til að sækja um starf