Hjúkrunarfræðingur á dag-, göngu- og samfélagsdeild L0/L1

Hjúkrunarfræðingur á dag-, göngu- og samfélagsdeild L0/L1

Hjúkrunarfræðingur óskast til starfa á dag-, göngu- og samfélagsdeild L0/ L1 Landakoti. Á deildinni fer fram greining, meðferð, eftirlit og stuðningur við einstaklinga, 67 ára og eldri, sem glíma við langvarandi heilsubrest og versnandi færni. Starfið býður uppá fjölbreytt verkefni þar sem unnið er í þverfaglegri teymisvinnu.

Við viljum ráða hjúkrunarfræðing sem er lausnamiðaður og hvetjandi og tilbúinn að taka virkan þátt í faglegri þróun og uppbyggingu deildar. Sérnám í öldrunarhjúkrun, þekking á þjónustuúrræðum og reynsla í hjúkrun aldraðra er æskileg.
Starfið er laust 1. nóvember 2020 eða samkvæmt samkomulagi. Unnið er í dagvinnu og er starfshlutfall samkomulagsatriði.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).

Helstu verkefni og ábyrgð
Hjúkrunarfræðingar deildarinnar eru hluti af fjölfaglegu teymi sem metur heilsufar, færni og þjónustuþörf, veitir meðferð og eftirfylgd. Hjúkrunarfræðingar eru tengiliðir sjúklinga og aðstandenda þeirra við aðra þjónustu- og meðferðaraðila. Stór þáttur af starfinu er fræðsla, ráðgjöf og stuðningur við sjúklinga og fjölskyldur þeirra.
Hæfnikröfur
» Íslenskt hjúkrunarleyfi
» Sjálfstæði og frumkvæði í starfi
» Hæfni í mannlegum samskiptum
» Sérnám í öldrunarhjúkrun æskileg
» Þekking á þjónustuúrræðum og reynsla í hjúkrun aldraðra æskileg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Handleiðsla og fræðsla á starfsþróunarári (myndskeið)

Starfshlutfall er 50 - 100%
Umsóknarfrestur er til og með 05.10.2020

Nánari upplýsingar veitir
Guðlaug Guðmundsdóttir - [email protected] - 620 1640
Guðný Valgeirsdóttir - [email protected] - 824 6029

Landspítali
Dag- og göngudeild Lk
v/Túngötu
101 Reykjavík

Smellið hér til að sækja um starf